మొదటనుంచీ వెంకటేష్ కు రీమేక్ లు చేయటం అంటే ఇష్టం. ఆయన కెరీర్ లో సూపర్ హిట్స్ అనిపించుకున్న వాటిల్లో రీమేక్ లే ఎక్కువ. అయితే ఈ మధ్యన ఇతర భాషల్లో హిట్ సినిమాలు ఇక్కడ డైరక్ట్ గా డబ్బింగ్ వెర్షన్ రిలీజ్ అవుతున్న నేపధ్యంలో రీమేక్ కాస్త తగ్గాయి. అందులోనూ ఆయన ఏజ్ కు తగ్గ హీరోలు ప్రక్క రాష్ట్రాల్లో సినిమాలు చేసి హిట్ కొట్టేవాళ్లు మరీ తగ్గిపోయారు. ఈ నేపధ్యంలో ఆయన స్టైయిట్ సినిమాలు చేసుకుంటూ వెళ్తున్నారు. అయితే రీసెంట్ గా ఆయన కన్ను ఓ రీమేక్ పై పడింది.

దాన్ని తెలుగులో చేయాలని ఉత్సాహపడుతున్నట్లు సమాచారం. అది మరేదో కాదు హిందీలో అజయ్ దేవగన్, టబు, రకుల్ ప్రీతి సింగ్ చేసిన దే దే ప్యార్ దే. ఈ సంవత్సరం  ప్రారంభంలోనే ‘ఎఫ్ 2’ సినిమాతో గ్రాండ్ సక్సెస్ అందుకున్నారు విక్టరీ వెంకటేష్. ఆయన ప్రస్తుతం బాబీ డైరెక్షన్లో నాగ చైతన్యతో కలిసి ‘వెంకీ మామ’ చేస్తున్నారు. ఆ సినిమా ఈ ఏడాదిలోనే రిలీజ్ కానుంది. ఈ చిత్రం కాకుండా ఈ సీనియర్ హీరో ఇంకో రెండు సినిమాల్ని లాక్ చేసినట్టు తెలుస్తోంది. అందులో ఒకటి దేదే ప్యార్ దే రీమేక్. 

ఆ సినిమాను ‘నేను లోకల్, సినిమా చూపిస్తా మామ’ ఫేమ్ త్రినాథరావ్ నక్కిన డైరెక్షన్లో చేయించాలనే ఆలోచనలో సురేష్ బాబు ఉన్నారట. హిందీలో టబు చేసిన పాత్రకు గానూ త్రిషను, రకుల్ పాత్రకు రకుల్ నే తీసుకుని ఫన్ తో ఈ సినిమాని చేసి హిట్ కొట్టాలని ఆయన భావిస్తున్నారట. 

అలాగే  వెంకటేష్ తో మరో  సినిమా యువ దర్శకుడు తరుణ్ భాస్కర్ దర్శకత్వంలో ఉంటుందని తెలుస్తోంది. ఈ చిత్రాన్ని ప్రముఖ నిర్మాత, వెంకటేష్ సోదరుడు సురేష్ బాబు నిర్మిస్తారట. వీటిని త్వరలోనే అధికారికంగా అనౌన్స్ చేయనున్నారు.  

ఇంట్లో ఇల్లాలు వంటిల్లో ప్రియురాలు వంటి సినిమాలు చేసిన అనుభవంతో వెంకీ  ఈ దేదే ప్యార్ దే సినిమాని దుమ్ము దులిపేస్తాండున్నారు.   మ్యారేజ్‌ అండ్‌ మోడ్రన్‌ డేస్‌ రిలేషన్‌షిప్స్‌ కాన్సెప్ట్‌ ఆధారంగా ఈ సినిమా నడుస్తుంది.  ‘దే దే ప్యార్‌ దే’ అనే టైటిల్‌ అర్దం ఏమిటంటే.. అంటే.. ఇవ్వు.. ఇవ్వు.. ప్రేమ ఇవ్వు అని అర్థం.