ఐకాన్ స్టార్ అల్లు అర్జున్ నేడు తన 41వ జన్మదిన వేడుకలు జరుపుకుంటున్నారు. పుష్ప చిత్రంతో పాన్ ఇండియా క్రేజ్ సొంతం చేసుకున్న బన్నీకి దేశం నలువైపుల నుంచి బర్త్ డే విషెస్ వెల్లువలా వస్తున్నాయి.
ఐకాన్ స్టార్ అల్లు అర్జున్ నేడు తన 41వ జన్మదిన వేడుకలు జరుపుకుంటున్నారు. పుష్ప చిత్రంతో పాన్ ఇండియా క్రేజ్ సొంతం చేసుకున్న బన్నీకి దేశం నలువైపుల నుంచి బర్త్ డే విషెస్ వెల్లువలా వస్తున్నాయి. పుష్ప చిత్రం ఇండియాలో మాత్రమే కాదు వరల్డ్ వైడ్ గా ట్రెండ్ అయింది.
డేవిడ్ వార్నర్ లాంటి క్రికెటర్స్ సైతం అల్లు అర్జున్ ని అనుకరిస్తూ ఇన్స్టా రీల్స్ చేశారు. డేవిడ్ వార్నర్ అల్లు అర్జున్ కి బర్త్ డే విషెస్ చెప్పాడు. వార్నర్ తన ముద్దుల కుమార్తె ఐలా తో కలసి చెప్పిన విషెస్ ది బెస్ట్ అని చెప్పొచ్చు. బన్నీకి జన్మదిన శుభాకాంక్షలు చెప్పేందుకు వార్నర్ తన కూతురుతో కలసి ఒక వీడియో షేర్ చేశారు.
'బిగ్ షౌట్ అవుట్.. బిగ్ మ్యాన్ అల్లు అర్జున్ కి హ్యాపీ బర్త్ డే.. పుష్ప 2 కోసం ఎంతగానో ఎదురుచూస్తున్నాం. ఈ బర్త్ డే నీకు చాలా గొప్పగా ఉండాలి అంటూ వార్నర్ తన కుమార్తె ఐలాని పిలిచాడు. వెంటనే ఐలా.. హ్యాపీ బర్త్ డే పుష్ప అంటూ ముద్దు ముద్దుగా చెప్పిన విషెస్ తెగ ఆకట్టుకుంటున్నాయి. ఈ వీడియో ప్రస్తుతం సోషల్ మీడియాలో వైరల్ గా మారింది.
ప్రస్తుతం వార్నర్ సన్ రైజర్స్ కి ఆడనప్పటికీ తెలుగు అభిమానుల్లో ప్రత్యేక స్థానం ఉంటుంది. వార్నర్ ని తెలుగు ఆడియన్స్ ఇష్టపడతారు. వార్నర్ కూడా తెలుగు స్టార్స్ అందరికి సంబంధించిన రీల్స్ చేస్తుంటాడు.
మరోవైపు అల్లు అర్జున్ కోస్టార్ రష్మిక మందన.. బన్నీకి స్పెషల్ బర్త్ డే విషెస్ తెలిపింది. అల్లు అర్జున్ తో కలసి బ్లాక్ డ్రెస్ లో ఉన్న ఫోటోని రష్మిక షేర్ చేసింది. నా పుష్ప రాజ్ కి హ్యాపీయెస్ట్ బర్త్ డే. నిన్ను మరోసారి పుష్పగా చూసేందుకు ప్రపంచం మొత్తం ఎదురుచూస్తోంది. నువ్వు ఇంకా ఎక్కువగా నచ్చుతావు అని పోస్ట్ చేసింది.
పుష్ప చిత్రంలో రష్మిక శ్రీవల్లిగా అదరగొట్టింది. పుష్ప 2లో ఆమె పాత్ర ఎలా ఉండబోతోంది అనే ఉత్కంఠ సర్వత్రా నెలకొంది. నిన్న విడుదల చేసిన వేరీజ్ పుష్ప టీజర్ యూట్యూబ్ లో మిలియన్ల కొద్దీ వ్యూస్ తో దూసుకుపోతోంది. ఈ టీజర్ తో ఒక్కసారిగా పుష్ప 2పై అంచనాలు పెరిగిపోయాయి.
