రామ్ చరణ్ కూతురికి ముఖేష్ అంబానీ కోట్ల విలువైన గిఫ్ట్?
నేడు రామ్ చరణ్, ఉపాసనల కూతురు బారసాల కార్యక్రమం. ఈ సందర్భంగా ప్రపంచ కుబేరుల్లో ఒకరైన ముఖేష్ అంబానీ కోట్ల విలువైన బహుమతి ఇస్తున్నారట.
 )
Followజూన్ 20న ఉపాసన పండంటి ఆడపిల్లకు జన్మనిచ్చారు. హైదరాబాద్ లోని అపోలో హాస్పిటల్స్ లో ఉపాసనకు డెలివరీ అయ్యింది. రాత్రి 1:49 నిమిషాలకు అమ్మాయి పుట్టిందట. మంగళవారం నాడు ఆ ఆంజనేయ స్వామి ఆశీస్సులతో మహాలక్ష్మి ఇంటికి వచ్చిందని చిరంజీవి సంతోషం వ్యక్తం చేశారు. అనంతరం రామ్ చరణ్ మీడియాతో మాట్లాడారు. తల్లి, పిల్ల ఆరోగ్యంగా ఉన్నారు. అభిమానుల దీవెనలు కృతజ్ఞతలు చెప్పారు. కూతురికి ఏం పేరు పెడుతున్నారని అడగ్గా... ఆల్రెడీ పేరు అనుకున్నాము. సాంప్రదాయంగా నిర్వహించే వేడుకలు ఆ పేరు బహిర్గతం చేస్తామని అన్నారు. ఇక కూతురుది ఎవరి పోలికని అడగ్గా ఖచ్చితంగా నా పోలికే అని ఛలోక్తులు వదిలారు.
కాగా నేడు చరణ్ దంపతులు బారసాల వేడుక నిర్వహిస్తున్నారు. ఈ మేరకు ఉపాసన సమాచారం ఇచ్చారు. ఇంస్టాగ్రామ్ స్టేటస్ లో బారసాల ఏర్పాట్లకు సంబంధించిన ఫోటోలు షేర్ చేశారు. లక్షలు ఖర్చు చేసి ఇంటిని అందంగా అలంకరిస్తున్నారు. బారసాల వేడుక కోసం కావలసిన వస్తువులు తీసుకొచ్చారు. ఈ బారసాల వేడుకకు మెగా కుటుంబ సభ్యులు అందరూ హాజరుకానున్నారు. ఇవాళ ఉపాసన-రామ్ చరణ్ దంపతుల కూతురు పేరుపై సందిగ్దత వీడనుంది. మంగళవారం పుట్టింది. చిరంజీవికి హనుమంతుడు ఇష్టదైవం. కాబట్టి ఉపాసన కూతురు పేరు కచ్చితంగా హనుమంతుడు నామం కలిసేలా ఉంటుందని ఒక అంచనా ఉంది. ఏది ఏమైనా మరికొన్ని గంటల్లో ఉత్కంఠకు తెర పడనుంది.
కాగా ముఖేష్ అంబానీ కోట్ల రూపాయల విలువైన బహుమతి ఉపాసన కూతురికి ఇస్తున్నారట. అది బంగారు ఊయల అట. దాని ఖరీదు కోటి రూపాయలకు పైనే ఉంటుందట. ఈ మేరకు ఓ న్యూస్ టాలీవుడ్ లో చక్కర్లు కొడుతుంది. దీనిపై ఎలాంటి అధికారిక సమాచారం లేదు. బిజినెస్ టైకూన్ గా ఉపాసనకు ముఖేష్ అంబానీ కుటుంబంతో పరిచయం ఉంది. ఆ పరిచయంతోనే ముఖేష్ అంబానీ ఈ బహుమతి ఇస్తున్నారట.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
