ఆయన జీవిత సత్యాలు స్ఫూర్తిదాయకంః అల్లు రామలింగయ్య జ్ఞాపకాల్లో మెగాస్టార్‌, ఐకాన్‌ స్టార్‌
నేడు శనివారం(జులై 31) అల్లు రామలింగయ్య వర్థంతి. ఈ సందర్భంగా మెగాస్టార్‌ చిరంజీవి, ఐకాన్‌ స్టార్‌ అల్లు అర్జున్‌తోపాటు పలువురు అల్లు రామలింగయ్యని తలుచుకుంటూ నివాళ్లర్పించారు.
తెలుగు సినిమా తొలి తరం హాస్యనటుల్లో ఒకరు అల్లు రామలింగయ్య. కామెడీయన్‌గానే కాదు, విలన్‌ పాతలతోనూ మెప్పించిన ఘనత ఆయన సొంతం. చలాకీగా, చిలిపిగా యాక్ట్ చేస్తూ గిలిగింతలు పెట్టడంలో ఆయనకు ఆయనే సాటి. చిత్ర పరిశ్రమకి ఆయన ఎనలేని సేవలందించారు. నేడు శనివారం(జులై 31) అల్లు రామలింగయ్య వర్థంతి. ఈ సందర్భంగా మెగాస్టార్‌ చిరంజీవి, ఐకాన్‌ స్టార్‌ అల్లు అర్జున్‌తోపాటు పలువురు అల్లు రామలింగయ్యని తలుచుకుంటూ నివాళ్లర్పించారు.
చిరంజీవి స్పందిస్తూ, `శ్రీ అల్లు రామలింగయ్య గారు భౌతికంగా మనమధ్య లేకపోయినా ఆయన నేర్పిన జీవిత సత్యాలు ఎప్పటికీ మార్గదర్శకంగా ఉంటాయి. ఒక డాక్టర్ గా, యాక్టర్ గా, ఫిలాసఫర్ గా, ఓ అద్భుతమైన మనిషిగా, నాకు మావయ్యగా ఆయన ఎల్లప్పుడూ మా స్మృతుల్లో ఉంటారు. ఆయన వర్ధంతి సందర్భంగా ఆయన జ్ఞాపకాలు మరోసారి నెమరువేసుకుంటూ ..` అంటూ గతంలో అల్లు రామలింగయ్య ఫోటోకి నివాళులర్పిస్తున్న ఫోటోలను ట్విటర్‌ ద్వారా షేర్‌ చేశాడు చిరు.
మరోవైపు ఐకాన్‌ స్టార్‌ అల్లు అర్జున్‌ సైతం నివాళ్లర్పించారు. `ఒక రైతు, లెజెండరీ నటుడు, గొప్ప వ్యక్తి అయిన తాత అల్లు రామలింగయ్య వర్థంతి నేడు. సినిమాలపై ఆయనకున్న అభిరుచి, ఆయన జీవిత ప్రయాణం మనలోని చాలా మంది స్ఫూర్తిదాయకం. ఆయన మన హృదయాల్లో ఎప్పటికీ నిలిచి ఉంటాడు` అని ట్వీట్‌ చేశారు అల్లు అర్జున్‌.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
