‘చంద్రముఖి2’ కూడా ‘సలార్’ డేట్ కే ఫిక్స్.. రామ్ తో పోటీ తప్పట్లేదుగా.. అఫీషియల్
‘సలార్’ పోస్ట్ పోన్ కానున్న నేపథ్యంలో.. ఇతర చిత్రాలు ఆ డేట్ ను ఫిక్స్ చేసుకుంటుయి. తాజాగా రాఘవ లారెన్స్, కంగనా కలిసి నటించిన ‘చంద్రముఖి2’ రిలీజ్ డేట్ ను మార్చుతూ అధికారిక ప్రకటన చేశారు.
 )
Followఇండస్ట్రీలో ప్రస్తుతం సినిమాలకు ప్రమోషన్ల ద్వారా కంటే వారు ప్రకటిస్తున్న రిలీజ్ డేట్ల ద్వారానే ఎక్కువ ప్రచారం వస్తుందని చెప్పాలి. ఏ సినిమా రిలీజ్ డేట్ ఎప్పుడు ఎలా మారుతుందో తెలియడం లేదు. మరో వారంలో ప్రేక్షకుల ముందుకు రావాల్సిన ‘చంద్రముఖి2’ (Chandramukhi 2) రిలీజ్ డేట్ ను కాస్తా వెనక్కి జరిపింది. సినీ పరిశ్రమలో మోస్ట్ అవైటెడ్ ఫిల్మ్ అయిన ‘సలార్’ (Salaar) చిత్రం ఈ నెల సెప్టెంబర్ 28న రావాల్సి ఉంది. కానీ సీజీ, బెస్ట్ అవుట్ పుట్ కోసం వాయిదా వేయబోతున్నారని గట్టి టాక్.
ఈ క్రమంలో చంద్రముఖి2, స్కంద చిత్రాలు ప్రభాస్ తో పోటీ ఎందుకని ముందే రిలీజ్ కు రెడీ అయ్యాయి. కానీ సలార్ పోస్ట్ పోన్ కానున్న నేపథ్యంలో ఆ రిలీజ్ డేట్ ను ఫిక్స్ చేసుకుంటున్నారు. ఇప్పటికే రామ్ పోతినేని ‘స్కంద’ చిత్రాన్ని సెప్టెంబర్ 28న విడుదల చేయబోతున్నట్టు అధికారిక ప్రటకన ఇచ్చిన విషయం తెలిసిందే. ఇక తాజాగా ‘చంద్రముఖి2’ కూడా సెప్టెంబర్ 28నే రాబోతుందని అఫీషియల్ అనౌన్స్ మెంట్ అందింది. ముందు సెప్టెంబర్ 15న విడుదల చేస్తామని ప్రకటించారు. అప్పుడు స్కంద కూడా అదే డేట్ కు రావాల్సి ఉంది. వాయిదా పడినా.. మళ్లీ ఒకే రోజు విడుదల కాబోతుండటంతో ఈ రెండు చిత్రాలకు పోటీ తప్పడం లేదు.
స్టార్ కొరియోగ్రాఫర్, యాక్టర్, ప్రొడ్యూసర్, డైరెక్టర్ రాఘవ లారెన్స్ (Raghava Lawrence హీరోగా.. బాలీవుడ్ స్టార్ హీరోయిన్ కంగనా ర‌నౌత్ (Kangana Ranaut) టైటిల్ పాత్ర‌లో నటించిన భారీ బ‌డ్జెట్ మూవీ ‘చంద్రముఖి 2’. హారర్ కామెడీ ఫిల్మ్ గా రాబోతోంది. రజనీకాంత్ ‘చంద్రముఖి’కి ఇది సీక్వెల్. అగ్ర నిర్మాణ సంస్థ లైకా ప్రొడక్ష‌న్స్ బ్యాన‌ర్‌పై సుభాస్క‌ర‌న్ నిర్మిస్తోంది. ఈ చిత్రాన్ని సీనియ‌ర్ డైరెక్టర్ పి.వాసు తెర‌కెక్కిస్తున్నారు. తెలుగు, త‌మిళ, హిందీ, కన్నడ, మలయాళ భాష‌ల్లో పాన్ ఇండియా మూవీగా సెప్టెంబర్ 28న విడుదలవుతుందని ప్రకటించారు. తెలుగు రాష్ట్రాల్లో ‘చంద్రముఖి 2’ చిత్రాన్ని రాధాకృష్ణ ఎంటర్‌టైన్‌మెంట్స్ బ్యాన‌ర్‌పై వెంక‌ట్ ఉప్పుటూరి, వెంక‌ట ర‌త్నం శాఖ‌మూరి రిలీజ్ చేస్తున్నారు.
‘చంద్రముఖి 2’ సినిమాను ముందుగా సెప్టెంబర్ 15న రిలీజ్ చేస్తున్నట్లు ప్రకటన చేశారు. అయితే కొన్ని సాంకేతిక కారణాలతో సినిమాను సెప్టెంబర్ 15న విడుదల చేయటం లేదని, సెప్టెంబర్ 28న ప్రపంచ వ్యాప్తంగా గ్రాండ్ రిలీజ్ చేయబోతున్నట్లు మేకర్స్ అఫీషియల్ గా తెలియజేస్తూ ఓ వీడియోను విడుదల చేశారు. ఇక రీసెంట్ గా విడుదలైన ‘చంద్రముఖి 2’ ట్రైలర్ సినిమాపై ఉన్న ఎక్స్‌పెక్టేషన్స్‌ను నెక్ట్స్ రేంజ్‌కి తీసుకెళ్లింది. 17 సంవత్స‌రాల క్రితం వచ్చిన చంద్ర‌ముఖికి.. ఇన్నేళ్ల త‌ర్వాత సీక్వెల్ ప్రేక్షకుల ముందుకు రానుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
