రెండేళ్ల కిందటి కేసులో.. బాలీవుడ్ నటి రాఖీ సావంత్ సోదరుడు అరెస్ట్.. ఏమైందంటే?
‘బిగ్ బాస్’ ఫేమ్, బాలీవుడ్ నటి రాఖీ సావంత్ సోదరుడిని పోలీసులు అరెస్ట్ చేశారు. రెండు రోజులుగా జ్యూడీషియల్ కస్టడీలోనే ఉన్నారని తాజాగా సమాచారం. ఇంతకీ ఎందుకు అరెస్ట్ చేశారంటే..
 )
Followబాలీవుడ్ నటి, ‘బిగ్ బాస్’ ఫేమ్ రాఖీ సావంత్ (Rakhi Sawant) ఏడాదిగా వరుసగా వార్తల్లో నిలుస్తూనే ఉన్నారు. తన మాజీ భర్త ఆదిల్ తో గొడవల కారణంగా పోలీసులకు ఫిర్యాదు చేసే వరకు వెళ్లింది. చివరిగా విడిపోతున్నట్టు కూడా ప్రకటించిన విషయం తెలిసిందే. రీసెంట్ గానే రాఖీ సావంత్ తల్లి మరణించారు. ఇప్పుడిప్పుడే ఆ బాధ నుంచి కోలుకుంటోంది. తల్లి మరణంతో రాఖీ సావంత్ తీవ్ర శోకసంద్రంలో మునిగిపోయింది. ఆమె రోదించిన వీడియోలు రీసెంట్ గా వైరల్ అయ్యి.. అందరిని కంటతడి పెట్టించాయి.
ఈ క్రమంలో మరో చేధు ఘటన ఎదురైంది. రాఖీ సావంత్ సోదరుడు, దర్శకనిర్మాత, రచయిత రాకేశ్ సావంత్ (Rakesh Sawant)ను ముంబై పోలీసులు అరెస్ట్ చేశారు. ప్రస్తుతం ఈ న్యూస్ నెట్టింట వైరల్ గా మారింది. తాజా సమాచారం ప్రకారం.. రాకేశ్ సావంత్ చెక్ బౌన్స్ కేసులో పోలీసులు అరెస్ట్ చేసినట్టు తెలుస్తోంది. మే 7న రాకేశ్ అరెస్ట్ చేశారు. రెండు రోజులుగా జ్యూడీషియల్ కస్టడీలోనే ఉన్నట్టు తెలుస్తోంది.
అయితే, రాకేశ్ సావంత్ పై 2020లో ఓ వ్యాపారవేత్త పోలీసులకు ఫిర్యాదు చేశారు. అతనిచ్చిన చెక్ బౌన్స్ అయ్యింది.. దాంతో వివాదం మొదలైందంటూ పోలీసులను ఆశ్రయించాడు. అప్పడు కేసు నమోదు చేసిన పోలీసులు రాకేశ్ ను జైలు కూడా పంపించారు. తిరిగి ఆయన డబ్బులు ఇచ్చేస్తానని హామీనిచ్చి బెయిల్ పై బయట వచ్చారు. కానీ ఇప్పటికీ ఆ మాట నిలబెట్టుకోకపోవడంతో పోలీసులు మళ్లీ అరెస్ట్ చేశారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
