Hidimbha Reverse Trailer : హై వోల్టేజ్ యాక్షన్ థ్రిల్లర్ ‘హిండింబ’ రివర్స్ ట్రైలర్.. టాలీవుడ్ లో ఇదే తొలిసారి
యాక్షన్ థ్రిల్లర్ గా రూపుదిద్దుకున్న చిత్రం ‘హిడింబ’. ప్రస్తుతం రిలీజ్ కు సిద్ధంగా ఉంది. తాజాగా చిత్రం నుంచి సరికొత్తగా రివర్స్ యాక్షన్ ట్రైలర్ ను విడుదల చేశారు. అందరినీ ఆకట్టుకుంటోంది.
 )
Followయంగ్ అండ్ ప్రామిసింగ్ హీరో అశ్విన్ బాబు (Ashwin Babu) నటించిన హై-వోల్టేజ్ యాక్షన్ థ్రిల్లర్ హిడింభ (Hidimbha). మొదటి నుంచి ఈ చిత్రంపై మంచి హైప్ క్రియేట్ అయ్యింది. ఇప్పటికే చిత్రం నుంచి అందిన అప్డేట్స్ కు రెస్పాన్స్ కూడా బాగా దక్కింది. చిత్రానికి అనిల్ సుంకర సమర్పణలో శ్రీ విఘ్నేష్ కార్తీక్ సినిమాస్ (SVK సినిమాస్), OAK ఎంటర్‌టైన్‌మెంట్స్ బ్యానర్‌లపై నిర్మిస్తున్నారు. అనీల్ కన్నెగంటి దర్శకత్వం వహిస్తున్నారు. గంగపట్నం శ్రీధర్ నిర్మిస్తున్నారు. ఈ చిత్రం ఈ నెల 20న ప్రేక్షకుల ముందుకు రానుంది.
ఇప్పటికే ప్రమోషన్స్ ను ఫుల్ స్వింగ్ లో నిర్వహిస్తున్నారు. ఇక తాజాగా తొలిసారిగా రివర్స్ యాక్షన్ ట్రైలర్ ను విడుదల చేశారు. ఈ సినిమా థియేట్రికల్ ట్రైలర్ చాలా ఆసక్తికరంగా ఉంది. ట్రైలర్ సెటప్, గ్రాండ్ మేకింగ్, టెక్నీకల్ పరంగా చాలా గ్రాండ్ గా ఉంది. సినిమా నిర్మాణ ప్రమాణాల కోసం అందరినీ ఆశ్చర్యపరిచేలా ఉన్నాయి. మేకర్స్ రివర్స్ ట్రైలర్ ప్రేక్షకుల ముందుకు రావడం చాలా ఆసక్తికరంగా మారింది. ఇది ప్రతి సీక్వెన్స్‌ను రివర్స్ ఆర్డర్‌లో ప్రదర్శించడం ప్రేక్షకులకు మరింత ఆసక్తిని పెంచుతోంది. ఇలాంటి ప్రయోగం ఇదే మొదటిసారి. టాలీవుడ్ లో ఫస్ట్ టైమ్ ఇలాంటి ట్రైలర్ ను విడుదల చేశారు.
ట్రైలర్ ప్రకారం.. రెండు వేర్వేరు సమయపాలనల కథను అద్భుతంగా చూపించారు. యాక్షన్, థ్రిల్లింగ్ అంశాలతో పాటు, ట్రైలర్ సినిమాలోని రొమాంటిక్, ఇతర అంశాలను కూడా చక్కగా చూపించారు. ఎడిటర్ ఎమ్ ఆర్ వర్మ ట్రైలర్‌ను చాలా అద్భుతంగా కట్ చేశారు. ఇందులో వికాస్ బాడిసా బ్యాక్‌గ్రౌండ్ స్కోర్ ను అద్భుతంగా అందించారు. బి రాజశేఖర్ సినిమాటోగ్రఫీని అందించగా, విజువల్స్ వండర్ ఫుల్ గా ఉన్నాయి. ఇక ట్రైలర్ ను రివర్స్ ఆర్డర్ లో విడుదల చేయాలనే ఆలోచనకు టీమ్ ను మాత్రం అభినందించాల్సిందే. మరో 3 రోజుల్లో రాబోతున్న ఈ సినిమాకి రివర్స్ ట్రైలర్ మరింత హైలైట్ గా నిలిచింది. చిత్రంలో అశ్విన్ బాబు - నందితా శ్వేత జంటగా నటిస్తున్నారు. శ్రీనివాస రెడ్డి, సాహితీ అవంచ, సంజయ్ స్వరూప్, షిజ్జు, విద్యులేఖ రామన్, రాజీవ్ కనకాల, శుభలేక సుదాకర్, ప్రమోధిని, రఘు కుంచె, రాజీవ్ పిళ్లై, దీప్తి నల్లమోతు కీలక పాత్రల్లో నటిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
