వర్మపై పవన్ ఫ్యాన్స్ సినిమా…టైటిల్ ఇదే!
ఈ సినిమాలో అసలు వర్మ కెరీర్ ఎలా మొదలైంది? ఏ స్దాయికు వెళ్లి ..వెనక్కి వచ్చి ఎలా పతనమైంది?అనేది చూపెడటమే కాకుండా ఈ సినిమాలో వర్మ అర్దంరాత్రి వోడ్కా తాగి చేసే ట్వీట్స్ గురించి, ఆయన అందరినీ కెలికే వ్యక్తిత్వం గురించి అన్ని ఈ సినిమాలో ఉండబోతున్నాయట. అంతేకాదు ఈ సినిమా కూడా ఓటీటీలోనే విడుదల కానుంది.
రామ్ గోపాల్ వర్మ ప్రస్తుతం పవర్ స్టార్ అనే సినిమా చేస్తూ ..పవన్ కళ్యాణ్ ఫ్యాన్స్ కు కోపం తెప్పిస్తున్న సంగతి తెలిసిందే. ఈ సినిమాలో కంటెంట్ ఎలా ఉన్నా...నెగిటివ్ గా సినిమా ఉంటుందేనే ప్రచారం మాత్రం సోషల్ మీడియాలో జరుగుతోంది. అదే గనక జరిగితే...పవన్ కళ్యాణ్ పై బ్యాడ్ ప్రోపగాండ జరుగుతుంది. ఈ విషయం గమనించిన పవన్ ఫ్యాన్...డైరక్ట్ గానే వర్మని తిట్టిపోస్తున్నారు. అలాగే పవర్ స్టార్ లో హీరోగా చేస్తున్న అతనికి వార్నింగ్ లు ఇస్తున్నారు. అయితే వర్మ అవన్నీ పట్టించుకోవటం లేదు. మరింతగా దూసుకుపోతు ఈ సినిమా ట్రైలర్, సినిమా రిలీజ్ డేట్స్ సైతం ప్రకటించేసారు. ఈ నేపధ్యంలో కొందరు పవన్ కళ్యాణ్ అభిమానులు ఈ విషయాన్ని సినిమా ద్వారానే ఎదుర్కోవాలని నిర్ణయించుకున్నట్లు సమాచారం.
మీడియా వర్గాల నుంచి అందుతున్న సమాచారం మేరకు ఈ సినిమా టైటిల్ `పరాన్నజీవి`. పవన్ అభిమానులు కొంతమంది కలిసి ఈ ప్రాజెక్టు డిజైన్ చేసినట్టు వినపడుతోంది. ఈ సినిమాలో అసలు వర్మ కెరీర్ ఎలా మొదలైంది? ఏ స్దాయికు వెళ్లి ..వెనక్కి వచ్చి ఎలా పతనమైంది?అనేది చూపెడటమే కాకుండా ఈ సినిమాలో వర్మ అర్దంరాత్రి వోడ్కా తాగి చేసే ట్వీట్స్ గురించి, ఆయన అందరినీ కెలికే వ్యక్తిత్వం గురించి అన్ని ఈ సినిమాలో ఉండబోతున్నాయట. అంతేకాదు ఈ సినిమా కూడా ఓటీటీలోనే విడుదల కానుంది.
ఈ సినిమా చూసిన వారు వర్మ తనపై తాను సినిమా తీసున్నాడు అనేలా తీస్తారట. ఇప్పటికే ఈ సినిమా ప్రారంభమయ్యాయని టాక్. వర్మ లాగ కనిపించే ఓ జూనియర్ ఆర్టిస్ట్ ని ఈ సినిమా కోసం ఇప్పటికే వెతికిపట్టుకున్నారట. త్వరలో పోస్టల్ లాంచ్ అవుతుందని, పవన్ ఫ్యాన్స్ అందరూ దాన్ని ట్రెండ్ చేయాలని చూస్తున్నట్లు సమాచారం. మొత్తానికి వర్మకు కౌంటర్ రాబోతోందన్నమాట. సరేగానీ జొన్నవిత్తుల మొదలెట్టిన ‘ఆర్జీవి’ సినిమా ఏమైందో.