తాజాగా రోషన్ లుక్ షాకిస్తుంది. భారీ పర్సనాలిటీతో కనిపిస్తున్నారు. మంగళవారం(మార్చి15)న రోషన్ పుట్టిన రోజు. ఈ సందర్భంగా,మదర్, యాంకర్సుమ తన ఇన్స్టాగ్రామ్లో రోషన్తో దిగిన ఫోటోలను పంచుకుంది.
సుమ కనకాల(Suma Kanakala) యాంకర్గా తెలుగు సినిమా పరిశ్రమని ఓ ఊపు ఊపుతున్న విషయం తెలిసిందే. మొదట్లో నటిగా రాణించిన ఆమె ఆ తర్వాత పూర్తిగా యాంకరింగ్ పరిమితమైంది. ఇప్పుడు మళ్లీ నటిగా తానేంటో నిరూపించుకుంటోంది. మరోవైపు తన వారసులను పరిచయం చేసే పనిలో బిజీగా ఉంది. ఇప్పటికే టాలీవుడ్లోకి వారసుల సందడి సాగుతోంది. ఇటీవల శ్రీకాంత్ తనయుడు రోషన్ ఎంట్రీ ఇచ్చారు. రోషన్తోనే `నిర్మల కాన్వెంట్` చిత్రంతో యాంకర్ సుమ తనయుడు రోషన్ కూడా ఎంట్రీ ఇచ్చారు. కానీ పెద్దగా పేరు రాలేదు. ఆ తర్వాత గ్యాప్ తీసుకున్న రోషన్ హైయ్యర్ స్టడీస్ కోసం యూఎస్ వెళ్లాడు.
ఇప్పుడు మళ్లీ సినిమా కెరీర్పై ఫోకస్ పెట్టినట్టు తెలుస్తుంది. యాంకర్ సుమ(Anchor Suma), భర్త, నటుడు రాజీవ్ కనకాల సైతం ఈ విషయంలో సీరియస్గా ప్రయత్నాలు చేస్తున్నారు. తనయుడి కోసం ఏకంగా ప్రొడక్షన్ స్టార్ట్ చేశారు సుమ. ఓ సినిమా నిర్మించేందుకు ప్లాన్ చేశారు. గతేడాది ఈ సినిమాకి సంబంధించి పూజా కార్యక్రమాలు జరిగాయి. కానీ ఇప్పటి వరకు దీనికి సంబంధించిన ఎలాంటి అప్డేట్ లేకపోవడం గమనార్హం.
ఇదిలా ఉంటే తాజాగా రోషన్ లుక్ షాకిస్తుంది. భారీ పర్సనాలిటీతో కనిపిస్తున్నారు. మంగళవారం(మార్చి15)న రోషన్ పుట్టిన రోజు. ఈ సందర్భంగా,మదర్, యాంకర్సుమ తన ఇన్స్టాగ్రామ్లో రోషన్తో దిగిన ఫోటోలను పంచుకుంది. కుమారుడు రోషన్కి పుట్టిన రోజు శుభాకాంక్షలు చెబుతూ, పంచుకున్న ఈ ఫోటోలు వైరల్ అవుతున్నాయి. అయితే `నిర్మల కాన్వెంట్` చిత్రం సమయంలో చిన్నగా ఉన్న రోషన్ ఇప్పుడు ఒకేసారి గుర్తుపట్టేనంతగా మారిపోవడం ఆశ్చర్యానికి గురి చేస్తుంది. అప్పుడే ఇంత పెద్దోడైపోయాడా? అంటూ నెటిజన్లు కామెంట్లు చేస్తున్నారు.
అంతేకాదు సుమ అక్కలా, రోషన్ తమ్ముడిలా ఉన్నారంటూ కామెంట్లు చేయడం విశేషం. రోషన్ కటౌట్ మాత్రం ప్రభాస్ మాదిరిగా భారీగా ఉండటం మరో విశేషం. ఇక యాంకర్ సుమ ఓ వైపు టీవీ షోస్తో బిజీగా ఉంది. `స్టార్ట్ మ్యూజిక్`, `క్యాష్` వంటి ప్రోగ్రామ్లు చేస్తుంది. మరోవైపు సినిమాల ఈవెంట్లతోనూ బిజీగా ఉంది. దీంతోపాటు నటిగా రీఎంట్రీ ఇస్తూ `జయమ్మ పంచాయితీ` చిత్రంలో నటిస్తుంది. ఇందులో ఆమెనే మెయిన్ లీడ్ కావడం విశేషం.
