త్రివిక్రమ్ కొత్త చిత్రంలో బన్ని క్యారెక్టర్.. షాకింగ్
అల్లు అర్జున్ గతంలో త్రివిక్రమ్ దర్శకత్వంలో జులాయి, సన్నాఫ్ సత్యమూర్తి చిత్రాలు చేసారు. ఆ రెండింటికి భిన్నంగా ఈ సినిమా ఉండబోతోంది.
సినీ మీడియాలో ఓ చిత్రమైన లక్షణం ఉంది...సినిమా వాళ్లకైనా అన్ని ఊహలు ఉంటాయో ఉండవో కానీ ... మీడియావాళ్లకు మాత్రం కుప్పలు తెప్పలుగా ఉంటాయి. ఏదైనా కాంబో అనుకుంటున్నారంటే ఆ ప్రాజెక్టు కథేంటి.. అందులో హీరో క్యారక్టర్ ఏంటి..టైటిల్ ఏమనుకుంటున్నారు వంటి విషయాలతో రచ్చ రచ్చ చేసేస్తారు. తాజాగా త్రివిక్రమ్, బన్ని కాంబినేషన్ మరో సారి తెరపైకి వచ్చిన నేపథ్యంలో ఈ చిత్రంపై ఊహాగానాలు అప్పుడే మొదలయి పోయాయి.
ఫిల్మ్ సర్కిల్స్ లో అనుకుంటున్నదాని ప్రకారం... త్రివిక్రమ్ కొత్త చిత్రంలో అల్లు అర్జున్ ... ఓ పవర్ ఫుల్ పోలీస్ అధికారిగా కనిపించనున్నారు. పూర్తిస్దాయి యాక్షన్ ఎంటర్టైనర్ గా ఈ చిత్రం రూపొందనుంది. నేపధ్యం నక్సలిజం ఉండబోతోంది. అప్పట్లో నక్సలైట్ల కార్యకలాపాలపై ఉక్కుపాదం మోపిన ఓ పోలీస్ అధికారి పాత్ర ను దృష్టిలో పెట్టుకుని ఆ పాత్రను డిజైన్ చేస్తున్నట్లు చెప్పుకుంటున్నారు.
అల్లు అర్జున్ గతంలో త్రివిక్రమ్ దర్శకత్వంలో జులాయి, సన్నాఫ్ సత్యమూర్తి చిత్రాలు చేసారు. ఆ రెండింటికి భిన్నంగా ఈ సినిమా ఉండబోతోంది. అలాగే అల్లు అర్జున్ ఇంతకు ముందు పోలీస్ పాత్రలో రేసుగుర్రంలో కొద్ది సేపు కనిపించి అదరకొట్టారు. ఆ పాత్రకు ఎక్సటెన్షన్ మాత్రం కాదని, సీరియస్ గా సాగే కథ అంటున్నారు. అయితే ఇందులో ఎంతవరకూ నిజముందనేది తెలియాల్సి ఉంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
