ఆర్య-సాయేషాల సంగీత్ లో బన్నీ!
తమిళ హీరో ఆర్య, హీరోయిన్ సాయేషాలు కొంతకాలంగా ప్రేమించుకుంటున్నారు. ఇటీవల ఈ జంట తమ పెళ్లి విషయాన్ని బహిరంగంగా ప్రకటించింది
తమిళ హీరో ఆర్య, హీరోయిన్ సాయేషాలు కొంతకాలంగా ప్రేమించుకుంటున్నారు. ఇటీవల ఈ జంట తమ పెళ్లి విషయాన్ని బహిరంగంగా ప్రకటించింది. హైదరాబాద్ లో వీరి పెళ్లి వేడుక జరగనుంది.
నిన్న రాత్రి సంగీత్ కార్యక్రమాన్ని గ్రాండ్ గా నిర్వహించారు. ఈ వేడుకకు బాలీవుడ్ నటుడు సంజయ్ దత్ హాజరయ్యాడు. టాలీవుడ్ నుండి నటుడు అల్లు అర్జున్ ఈ వేడుకకు హాజరయ్యాడు. హైదరాబాద్ లో ఓ విల్లాలో వీరి వివాహం జరుగుతోంది.
'వరుడు' సినిమాలో అల్లు అర్జున్, ఆర్య కలిసి నటించిన సంగతి తెలిసిందే. ఆ బంధంతోనే అల్లు అర్జున్ సంగీత్ వేడుకకు హాజరయ్యాడు. పెళ్లికి అజయ్ దేవగన్ ముఖ్య అతిథిగా హాజరు కానున్నట్లు సమాచారం.
వివాహమనంతరం ఈ జంట చెన్నైలో రిసెప్షన్ ఏర్పాటు చేసింది. ఆ వేడుకకు తమిళ అగ్ర హీరోలందరూ హాజరయ్యే అవకాశాలు ఉన్నాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
