కూతురి కోసం తండ్రి.. సమంత చిత్రానికి ఆ హీరోయిన్ అడ్డు!
సమంత ప్రధాన పాత్రలో నటించిన ఓ బేబీ చిత్రం అద్భుత విజయం దిశగా సాగుతోంది. జులై 5న ప్రేక్షకుల ముందుకు వచ్చిన ఈ చిత్రం అన్ని వర్గాల ప్రేక్షకులని ఆకట్టుకుంటోంది.
సమంత ప్రధాన పాత్రలో నటించిన ఓ బేబీ చిత్రం అద్భుత విజయం దిశగా సాగుతోంది. జులై 5న ప్రేక్షకుల ముందుకు వచ్చిన ఈ చిత్రం అన్ని వర్గాల ప్రేక్షకులని ఆకట్టుకుంటోంది. 70 ఏళ్ల వృద్ధురాలు 25 ఏళ్ల యువతిగా మారిపోయే ఆసక్తికర కథాంశంతో ఈ చిత్రం తెరక్కింది.
ఇటీవల టాలీవుడ్ చిత్రాల రీమేక్స్ బాలీవుడ్ లో ఎక్కువవుతున్నాయి. బాలీవుడ్ నిర్మాతలు ఇప్పటికే ఓ బేబీ చిత్రంపై కన్నేసినట్లు తెలుస్తోంది. తాజా సమాచారం ప్రకారం ఈ చిత్ర రీమేక్ హక్కులు దక్కించుకునేందుకు బోనికపూర్ గట్టి ప్రయత్నాలు చేస్తున్నారట. తన కుమార్తె జాన్వీ కపూర్ తో ఈ చిత్రాన్ని రీమేక్ చేసే ఆలోచనలో ఉన్నట్లు తెలుస్తోంది.
బోనికపూర్ మాత్రమే కాదు మరికొందరు నిర్మాతలు కూడా ఓ బేబీ రీమేక్ రైట్స్ కోసం పోటీ పడుతున్నారు. అలియా భట్ ప్రధాన పాత్రలో ఈ చిత్రాన్ని రీమేక్ చేసేందుకు కూడా ప్రయత్నాలు జరుగుతున్నాయి. ఈ నేపథ్యంలో రీమేక్ రైట్స్ ఎవరు దక్కించుకుంటారనే ఆసక్తి నెలకొని ఉంది.
ఈ చిత్రాన్ని రీమేక్ చేస్తే రానా దగ్గుబాటిని కూడా నటింపజేయాలనే ఆలోచనలో బోనికపూర్ ఉన్నారట. తన కూతురి కోసం బోనికపూర్ ప్రయత్నాలు చేస్తుండగా.. అలియా భట్ రేసులోకొచ్చి అడ్డుగా నిలిచింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
