#Liger:‘లైగర్’టీమ్ ఏదీ వదలటం లేదుగా,ఇప్పుడు ఇది కూడా...
ఈ సినిమానుంచి విడుదలైన పాటలు, టీజర్, ట్రైలర్ ప్రేక్షకులను విపరీతంగా ఆకట్టుకున్నాయి. సోషల్ మీడియాలోనూ లైగర్ హడావిడి కనిపిస్తోంది. రోజూ ఈ సినిమాకు సంబంధించిన ఎదో ఒక వార్త సోషల్ మీడియాలో వైరల్ అవుతూనే ఉంది.
విజయ్ దేవరకొండ హీరోగా రూపొందిన పక్కా కమర్షియల్‌ ఎంటర్‌టైనర్‌ ‘లైగర్’. ఈ సినిమా ఆగస్టు 25న పాన్‌ ఇండియా స్థాయిలో ప్రేక్షకుల ముందుకు రానుంది. అనన్యా పాండే హీరోయిన్ గా చేస్తున్న ఈ చిత్రానికి సెన్సార్ కూడా పూర్తైంది. మొత్తం 140.20 నిమిషాల రన్‌ టైమ్‌తో సెన్సార్‌కు వెళ్లిన ఈ సినిమాకి బోర్డు ఏడు మార్పులు చేర్పులు సూచించింది. కిక్‌ బాక్సింగ్ నేపథ్యంలో రూపుదిద్దుకున్న ఈ చిత్రానికి సెన్సార్ బోర్డ్‌ యూ/ఏ సర్టిఫికేట్‌ ఇచ్చింది. పూరీ జగన్నాథ్‌ దర్శకత్వం వహించిన ఈ చిత్రానికి ప్రమోషన్స్ ఓ రేంజిలో చేస్తున్నారు.
— Vijay Deverakonda (@TheDeverakonda) August 18, 2022
దేశవ్యాప్తంగా సందడి చేస్తున్నారు లైగర్(Liger)టీమ్.. ఇప్పటికే అనేక నగరాల్లో లైగర్ టీమ్ పర్యటించారు. ఈ సినిమానుంచి విడుదలైన పాటలు, టీజర్, ట్రైలర్ ప్రేక్షకులను విపరీతంగా ఆకట్టుకున్నాయి. సోషల్ మీడియాలోనూ లైగర్ హడావిడి కనిపిస్తోంది. రోజూ ఈ సినిమాకు సంబంధించిన ఎదో ఒక వార్త సోషల్ మీడియాలో వైరల్ అవుతూనే ఉంది. తాజాగా లైగర్ సినిమా ఎమోజీని సాధించింది.
ట్విటర్‌ ఎమోజీని పొందిన మూడో సినిమాగా ఈ చిత్రం నిలిచింది. ప్రభాస్ సాహూ సినిమా తర్వాత కేజీఎఫ్ 2 , మహేష్ బాబు సర్కారు వారి పాట సినిమాలు ఎమోజీని దక్కించుకున్నాయి. ఇక ఇప్పుడు లైగర్ సినిమాకు ట్విట్టర్ ఎమోజీని క్రియేట్ చేసింది దాంతో లైగర్ టీమ్ ట్విట్టర్ కు థాంక్స్ చెప్పారు. పాన్‌ ఇండియా స్థాయిలో ఈ చిత్రం విడులవుతుండటంతో సోషల్ మీడియా ద్వారా నెటిజన్లకు మరింత చేరువ అయ్యే క్రమంలో చిత్ర బృందం ట్విటర్‌కు దరఖాస్తు చేయగా, #Liger హ్యాష్‌టాగ్‌ జత చేయగానే విజయ్ దేవరకొండ ఫొటోతో కూడిన ఎమోజీ వస్తుంది.
ఇక ఈ మూవీ ఆగస్ట్ 20న సాయంత్రం 5 గంటలకు గుంటూరు జిల్లా మోతడక ప్రాంతంలోని చలపతి ఇన్స్టిట్యూట్ ఆఫ్ టెక్నాలజీ గ్రౌండ్స్లో లైగర్ ప్రీ రిలీజ్ ఈవెంట్ను నిర్వహించనున్నట్లుగా ట్విట్టర్ వేదికగా అనౌన్స్ చేశారు మేకర్స్.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
