‘కీడాకోలా’OTT రిలీజ్ డేట్,డిటేల్స్
. ‘పెళ్లిచూపులు’ సినిమాతో పరిచయమైన తరుణ్ భాస్కర్.. తొలి సినిమాతోనే జాతీయ అవార్డు అందుకున్నారు. ఆ తరవాత ‘ఈ నగరానికి ఏమైంది’ సినిమాతోనూ...
Follow
పెళ్లి చూపులు, ఈ నగరానికి ఏమైంది సినిమాలతో యూత్ లోకి దూసుకుపోయిన దర్శకుడు తరుణ్ భాస్కర్(Tharun Bhascker) చాలా గ్యాప్ తర్వాత తన మూడో సినిమా ‘కీడా కోలా’(Keeda Cola)తో వచ్చాడు. ఈ శుక్రవారం రిలీజైన ఈ క్రైం కామెడీ థ్రిల్లర్ ఓ వర్గానికి బాగానే ఎక్కింది. అయితే అందరినీ అలరించలేకపోయింది. దాంతో డివైడ్ టాక్ తెచ్చుకుంది. కొందరు ఫుల్ కామెడీగా చెప్తుంటే మరికొందరు కథేమి లేదని పెదవి విరిచేస్తున్నారు. ఈ నేపధ్యంలో కొందరు ఓటిటి సినిమా అని తేలుస్తున్నారు. అది ప్రక్కన పెడితే ఓటిటిలో ఎప్పుడు వస్తుంది..ఏ ఓటిటిలో రిలీజ్ అవుతుందనేది సినీ లవర్స్ లో హాట్ టాపిక్ గా మారింది.
ట్రేడ్ వర్గాల నుంచి అందుతున్న సమాచారం మేరకు ఈ సినిమా రైట్స్ ని ఆహా వారు సొంతం చేసుకున్నారు. నవంబర్ 3న రిలీజ్ అయిన ఈ చిత్రం నెల రోజుల్లో అంటే డిసెంబర్ మొదటి వారంలో ఓటిటిలో రానుందని సమాచారం. యూత్ ని టార్గెట్ చేసిన ఈ కీడా కోలా సినిమా ఓటిటిలోనూ బాగా వర్కవుట్ అవుతుందని భావిస్తున్నారు.
మరో ప్రక్కన తక్కువ బడ్జెట్ లో అందరు చిన్న ఆర్టిస్టులతోనే తీసిన ఈ సినిమాకు కలెక్షన్స్ భారీగానే వస్తున్నాయి. సురేష్ ప్రొడక్షన్స్ ఈ సినిమాని గ్రాండ్ గా రిలీజ్ చేసింది. కీడా కోలా సినిమా మొదటి రోజే 6 కోట్ల గ్రాస్ కలెక్షన్స్ రాగా రెండు రోజుల్లో ఈ సినిమా 9.72 కోట్ల గ్రాస్ కలెక్షన్స్ సాధించినట్టు ప్రకటించారు చిత్రయూనిట్. ఇక నేడు ఆదివారం కావడంతో మరిన్ని కలెక్షన్స్ వస్తాయని భావిస్తున్నారు.
తరుణ్ భాస్కర్ సినిమాని ముందుండి చాలా కొత్తగా ప్రమోషన్స్ కూడా చేశాడు. ఇక ఈ సినిమాలో ముఖ్య పాత్రలో కూడా చేశాడు. కీడాకోలా సినిమాలో బ్రహ్మానందం, ’30 వెడ్స్ 21′ ఫేమ్ చైతన్య రావు, రవీంద్ర విజయ్, విష్ణు, రాగ్ మయూర్.. పలువురు ముఖ్య పాత్రల్లో నటించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
