Asianet News TeluguAsianet News Telugu

'సైరా' కలెక్షన్స్.. ఆరు రోజులకు ఎంత కలెక్ట్ చేసిందంటే..?

సురేందర్ రెడ్డి తెరకెక్కించిన సైరా నరసింహారెడ్డి రిలీజ్ అయ్యి బాక్సాఫీస్ దగ్గర భారీ వసూళ్ళతో తన హవా కొనసాగిస్తుంది. 
 

Syeraa Narasimhareddy sixth day collections
Author
Hyderabad, First Published Oct 8, 2019, 3:50 PM IST

మెగాస్టార్ చిరంజీవి నటించిన 'సైరా' సినిమా రెండు తెలుగు రాష్ట్రాల్లో సత్తా చాటుతోంది. బుధవారం నాడు విడుదలైన ఈ సినిమా కలెక్షన్స్ శుక్రవారం నాటికి తగ్గినట్లు అనిపించినా.. శని, ఆదివారాల్లో పుంజుకుంది. సోమవారం అదే ఊపు కొనసాగుతుందా లేదా అనే సందేహాలు కలిగాయి. ఆ అనుమానాలను పటాపంచలు చేస్తూ తన దూకుడు కొనసాగించింది.

ఆదివారంతో పోలిస్తే కలెక్షన్స్ కాస్త తగ్గినప్పటికీ ఓవరాల్ గా మాత్రం మంచి వసూళ్లు సాధించింది. దీంతో ఆరోరోజు కూడా సినిమా రూ.5055 కోట్ల షేర్ ని రాబట్టింది. దీంతో ఇప్పటివరకు ఈ సినిమా కలెక్షన్స్ 75 కోట్ల మైలురాయిని దాటేశాయి.

దీంతో మొదటివారంలో మెగాస్టార్ సినిమా 80 కోట్ల కలెక్షన్స్ మైలురాయిని అందుకుంది. నెల్లూరు ఈ సినిమా ఆరో రోజు కూడా రూ.21 లక్షల షేర్ రాబట్టింది. కొన్ని ఏరియాల్లో ఈ సినిమా కలెక్షన్స్ హై రేంజ్ లో ఉన్నాయి. నార్త్ లో మాత్రం సినిమా పరిస్థితి మారలేదు. అక్కడ ఆరురోజులకుగాను 8.25 కోట్లు మాత్రమే రాబట్టింది. ఇక ఓవర్సీస్‌లో కూడా పరిస్థితి అలానే ఉంది. 

ఆదివారానికి 2 మిలియన్ డాలర్స్ మార్క్ టచ్ చేసింది. అయితే అక్కడ ఇంకొక వారం పాటు చెప్పుకోదగ్గ కలెక్షన్స్ రాబట్టాల్సిన అవసరం ఉంది.రెస్ట్ ఆఫ్ ఇండియాలో కూడా కలెక్షన్స్ అంతంతమాత్రంగానే ఉన్నాయి.  ఈ సినిమా మొత్తం థియేట్రికల్ రైట్స్ 150 కోట్లకు పైగానే అమ్మారు. అది రాబట్టాలంటే ఇంకో 45 కోట్ల వరకు వసూళ్లు సాధించాల్సి వుంటుంది. 

Follow Us:
Download App:
  • android
  • ios