తాను రాజకీయాల్లోకి వస్తున్నట్టు.. టికెట్ కోసం దరఖాస్తు కూడా చేసుకున్నట్టు, వస్తున్న వార్తలపై స్పందించాడు టాలీవుడ్ సింగర్ రాహుల్ సిప్లిగంజ్. ఈ విషయంపై క్లారిటీ ఇస్తూ.. సోషల్ మీడియాలో నోట్ కూడా రాశారు.
తాను త్వరలో రాజకీయాల్లోకి రాబోతున్నట్టు వస్తున్న వార్తలపై స్పందించాడు సింగర్ రాహుల్ సిప్లిగంజ్. రీసెంట్ గా రాహుల్ సిప్లిగంజ్ పొలిటికల్ ఎంట్రీ గురించి రకరకాల వార్తలు వినిపించాయి. ఆయన కాంగ్రెస్ తరపున గోషామహల్ నుంచి పోటీ చేయబోతున్నట్టు.. కాంగ్రెస్ టికెట్ కోసం ధరఖాస్తు కూడా చేసుకున్నట్టు వార్తలు వైరల్ అయ్యాయి. దాంతో ఈన్యూస్ అంతట హైలెట్ అయ్యింది. అందరి దృష్టి రాహుల్ వైపు మళ్లింది. కాని అందులో నిజం లేదంటూ క్లారిటీ ఇచ్చారు రాహుల్. ఈ విధంగా ఓ నోట్ కూడా రిలీజ్ చేశారు.
హైదరాబాద్ లో పాతబస్తీలోని ఒక గల్లీలో పుట్టిన రాహుల్ తన తండ్రితో పాటు.. బార్బర్ గా చేస్తూ.. సంగీతం నేర్చుకుని.. దానిపై పట్టుసాధించాడు. ప్రైవేట్ ఆల్బమ్స్ చేస్తూ.. సినిమాల వైపు అడుగులు వేశాడు.. ఆర్ఆర్ఆర్ లో నాటు నాటు పాటతో .. ఆస్కార్ రేంజ్ కు ఎదిగాడు రాహుల్ సిప్లిగంజ్. ఆస్కార్ స్టేజిపై పెర్ఫార్మ్ చేసే రేంజ్ కి ఎదిగాడు. రాహుల్ సిప్లిగంజ్ ప్రస్తుతం సింగర్ గా, ఆర్టిస్ట్ గా ఫుల్ బిజీగా ఉన్నాడు. బయట ఈవెంట్స్ చేస్తూ.. చేతినిండా సంపాదిస్తున్నాడు.
అయితే రాహుల్ కు అన్ని పార్టీల నుంచి నాయకులతో పరిచయాలు ఉన్నారు. ఏ రాజకీయ నాయకుడు పిలిచినా వెళ్లి మాట్లాడతాడు. తన ఇంట్లో జరిగే ఈవెంట్స్ కి పలువురు నాయకులని పిలుస్తాడు. అన్ని పార్టీల నేతలతో మంచి సంబంధాలు ఏర్పరుచుకున్నాడు రాహుల్.ఇక తెలంగాణ ఎలక్షన్స్ రానున్న నేపథ్యంలో ఎన్నికల హడావిడి అప్పుడే మొదలైంది. ఈ నేపథ్యంలో రాహుల్ సిప్లిగంజ్ తను ఉండే ఏరియా గోషామహల్ నుంచి ఎమ్మెల్యేగా పోటీ చేస్తాడని వార్తలు వస్తున్నాయి. తాజాగా ఈ వార్తలపై రాహుల్ సిప్లిగంజ్ స్పందించాడు. తను రాజకీయాల్లోకి వస్తున్నట్టు, గోషామహల్ ఎమ్మెల్యేగా పోటీ చేస్తున్నట్టు వస్తున్న వార్తలని ఖండిస్తూ తన సోషల్ మీడియాలో ఓ పోస్ట్ పెట్టాడు.
రాహుల్ సిప్లిగంజ్ తన పోస్ట్ లో.. నేను పాలిటిక్స్ లోకి రావట్లేదు. నా మీద చాలా రూమర్స్ వస్తున్నాయి, నేను గోషామహల్ ఎమ్మెల్యేగా పోటీచేస్తానని. ఆ వార్తలన్నీ అబద్ధం. అన్ని పార్టీలకి చెందిన మన లీడర్స్ అందరిని నేను గౌరవిస్తాను. నేను ఒక మ్యుజిషియన్, ఆర్టిస్ట్ మాత్రమే. నా జీవితం అంతా కూడా నేను ఇదే. నా ఫీల్డ్ లో నేను చేయాల్సింది ఇంకా చాలా ఉంది. ప్రస్తుతానికి నా కెరీర్ పైనే నేను ఫోకస్ చేశాను. నాకు ఏ పార్టీ నుంచి ఎలాంటి ఆఫర్ రాలేదు. ఇలాంటి వార్తలు ఇకనైనా ఆపండి అని తెలిపాడు. దీంతో ఈ పోస్ట్ వైరల్ గా మారింది. ఇటీవల రాహుల్ సిప్లిగంజ్ సోదరుని వివాహానికి అన్ని పార్టీలకు చెందిన టాప్ లీడర్లు వచ్చిన సంగతి తెలిసిందే.
