స్టార్ హీరోయిన్ సమంత నటించిన ‘యశోద’ (Yashoda) నుంచి మోస్ట్ అవైటెడ్ ట్రైలర్ విడుదలైంది. ప్రతి అప్డేట్ తో అంచనాలను పెంచుతున్న చిత్ర యూనిట్ ట్రైలర్ తో సినిమాపై మరింతగా హైప్ క్రియేట్ చేశారు.
స్టార్ హీరోయిన్ సమంత (Samantha) నటిస్తున్న సైన్స్ ఫిక్షన్ థ్రిల్లర్ గా రూపొందుతున్న భారీ చిత్రం ‘యశోద’. హరి - హరీష్ దర్శకత్వం వహిస్తున్నారు. శ్రీదేవి మూవీస్ బ్యానర్ పై శివలెంక క్రిష్ణ ప్రసాద్ నిర్మిస్తున్నారు. ఈ సందర్బంగా సినిమాపై ఇంట్రెస్ట్ ను క్రియేట్ చేసేలా చిత్ర యూనిట్ బ్యాక్ టు బ్యాక్ అప్డేట్స్ ను అందిస్తూ వస్తున్నారు. రీసెంట్ గా దీపావళి సందర్భంగా సమంత అభిమానులకు మేకర్స్ ఇచ్చిన మోస్ట్ అవైటెడ్ ట్రైలర్ అప్డేట్ కొద్ది క్షణాల కింద విడుదల చేశారు. ట్రైలర్ తో సినిమాపై మరింతగా అంచనాలను క్రియేట్ చేశారు.
టైటిల్ పాత్రలో సమంత నటించిన సినిమా 'యశోద'. ఈ చిత్ర ట్రైలర్ ను తెలుగులో విజయ్ దేవరకొండ, తమిళంలో సూర్య, హిందీలో వరుణ్ ధావన్, కన్నడలో రక్షిత్ శెట్టి, మలయాళంలో దుల్కర్ సల్మాన్ విడుదల చేశారు. ట్రైలర్ ఎలా ఉందనే విషయానికి వస్తే... 'యశోద' టీజర్లో సమంతను గర్భవతిగా చూపించారు. ట్రైలర్లో డబ్బు కోసం గర్భాన్ని అద్దెకు ఇచ్చిన మహిళ అని స్పష్టం చేశారు. అంటే 'యశోద'ది సరోగసీ ప్రెగ్నెన్సీ అన్నమాట! అక్కడితో కథ అయిపోలేదు. సరోగసీ కోసం తమ గర్భాన్ని అద్దెకు ఇచ్చిన మహిళలను ఒక్కచోట చేర్చడం... ఆ తర్వాత అక్కడ ఏదో జరుగుతుందనే ఆసక్తిని కలిగించారు.
సరోగసీ కోసం తీసుకొచ్చిన మహిళలకు ఏం జరుగుతోంది? ప్రపంచం నలుమూలల నుంచి వస్తున్న 122 మంది సంపన్న మహిళలు పేర్లు బయటకు రావడానికి, సరోగసీ ప్రెగ్నెన్సీ ధరించిన మహిళలకు సంబంధం ఏమిటి? ప్లాన్ ప్రకారం ఎవరి హత్య జరిగింది? అని ప్రేక్షకులు ఆలోచించేలా ట్రైలర్ కట్ చేశారు. 'యశోద'లో ప్రేమ ఉంది. 'నీకు ఎప్పుడైనా రెండు గుండె చప్పుళ్లు వినిపించాయా? బిడ్డను కడుపులో మోస్తున్న తల్లికి మాత్రమే అది వినిపిస్తుంది' అని సమంత చెప్పే మాటతో తల్లి ప్రేమ కనబడుతుంది. సమంతకు, డాక్టర్ రోల్ చేసిన ఉన్ని ముకుందన్ మధ్య లవ్ ట్రాక్ ఉందని హింట్ కూడా ఇచ్చారు. అంతే కాదు... 'యశోద'లో క్రైమ్ ఉంది, రాజకీయం ఉంది, అన్నిటి కంటే ముఖ్యంగా మహిళ చేసే పోరాటం ఉంది. న్యూ ఏజ్ కాన్సెప్ట్తో సినిమా రూపొందిందని ట్రైలర్ చూస్తే అర్థం అవుతోంది.
తెలుగు, తమిళంలో బైలింగ్వల్ గా రూపుదిద్దుకుంటున్న ఈ మూవీ నవంబర్ 11న ప్రపంచ వ్యాప్తంగా రిలీజ్ కాబోోతోంది. సమంత అభిమానులు చిత్రం కోసం ఎంతగానో ఎదురుచూస్తున్నారు. యశోద పాత్రలో సమంత నటిస్తుండగా.. ఉన్ని ముకుందన్, వరలక్ష్మి శరత్ కుమార్, రావు రమేశ్, మురళీ శర్మలు పలు కీలక పాత్రల్లో నటిస్తున్నారు. చిత్రాన్ని తెలుగు, తమిళ, కన్నడ, మలయాళ, హిందీ భాషల్లో విడుదల చేస్తున్నారు. మరోవైపు సమంత గుణశేఖర్ దర్శకత్వంలో ‘శాకుంతలం’లో, విజయ్ దేవరకొండ సరసన ‘ఖుషి’ చిత్రాల్లో నటిస్తూ బిజీగా ఉంది.
