వైరల్‌ పోస్ట్‌: రానా భార్యకు సమంత వెల్‌ కం

దగ్గుబాటి వారి ఇంట పెళ్లి భాజా మోగింది. లెజెండరీ నిర్మాత రామానాయుడు పెద్ద మనువడు రానా తన ప్రేయసి మిహికా బజాజ్ మెడలో తాళికట్టాడు. రామానాయుడు స్టూడియోలో అత్యంత సన్నిహితుల మధ్య ఆగస్టు 8న ఈ వివాహం ఘనంగా జరిగింది. పరిశ్రమ నుండి రామ్ చరణ్, అల్లు అర్జున్ వంటి అతికొద్దిమంది మాత్రమే ఈ పెళ్ళికి హాజరు కావడం జరిగింది. ఐతే ఈ పెళ్లివేడుకలో అక్కినేని వారి కోడలు సమంత ప్రత్యేకంగా నిలిచింది. నాగ చైతన్య భార్యగా సమంత కూడా దగ్గుబాటి కుటుంబానికి చుట్టం అయ్యింది.

 

రానా మెహిందీ వేడుకలో ఆమె వేసుకున్న డ్రెస్ టాక్ ఆఫ్ ది ఇండస్ట్రీ అయ్యింది. షెల్ డిటైలింగ్ కలిగిన ఆ ఎల్లో డిజైనర్ వేర్ ధర అక్షరాలా  రూ. 1.59 లక్షలట. ప్రముఖ డిజైనర్ అర్పితా మెహతా డిజైన్ చేసిన సమంత డ్రెస్ ధర గురించి టాలీవుడ్ లో ప్రత్యేకంగా చెప్పుకున్నారు. ఇక పెళ్ళిలో ఆమె శారీలో దర్శనమిచ్చారు. కాగా రానా-మిహికా పెళ్ళిలో కుటుంబ సభ్యులు అందరూ కలిసి దిగిన ఫోటో సమంత సోషల్ మీడియాలో పోస్ట్ చేశారు. తన ఇంస్టాగ్రామ్ అకౌంట్ లో ఆ గ్రూప్ ఫోటో షేర్ చేసిన సమంత, కొత్త పెళ్లి కూతురుకు గ్రాండ్ వెల్కమ్ చెప్పారు. 

'అందమైన మిహికా...కుటుంబంలోకి నీకు స్వాగతం' అని కామెంట్ పెట్టారు. నవ వధువు మిహికాకు సమంత మనస్ఫూర్తిగా ఆహ్వానం పలకడం పట్ల నెటిజెన్స్ హర్షం వ్యక్తం చేస్తున్నారు. సమంత గ్రేట్ అంటూ ఆ ఫోటోకి లైక్స్ కొడుతూ, కామెంట్స్ పెడుతూ తమ అభిమానం చాటుకుంటున్నారు. సంధర్భానికి  తగ్గట్టుగా స్పందించిన సమంత అందరి మనసులు గెలుచుకుంటుంది.  అలాగే ఆమె కూడా దగ్గుబాటి ఫ్యామిలీలో ఒక భాగంగా భావిస్తుందని అర్థంఅవుతుంది .