జాగ్రత్త అంటూ కేజీఎఫ్ డైరెక్టర్ హెచ్చరిక

ఈ మధ్య కాలంలో అంద‌రి దృష్టిని త‌న‌వైపుకు తిప్పుకున్న క‌న్నడ చిత్రం కేజీఎఫ్‌. దాదాపు రెండు వందల కోట్లకి పైగా కలెక్షన్స్ సాధించి అన్ని ఇండ‌స్ట్రీల‌కు షాక్ ఇచ్చిందీ చిత్రం. క‌ర్ణాటక రాష్ట్రంలో డబ్బైల్లో  జరిగిన అక్రమ మైనింగ్‌ నేపథ్యంలో తెర‌కెక్కిన ఈ చిత్రానికి కొన‌సాగింపుగా చాప్టర్ 2ని భారీ బ‌డ్జెట్‌తో అత్యంత ప్రతిష్టాత్మకంగా తెర‌కెక్కిస్తున్నారు. ప్రశాంత్ నీల్ ద‌ర్శక‌త్వంలో తెర‌కెక్కుతున్న ఈ చిత్రానికి ఆ మధ్యన ఆడిషన్స్ చేసారు. అఫీషియల్ గా  ప్రకటన ఇచ్చి మరీ తీసుకున్నారు.

అయితే ఇప్పటికి ఆ సినిమాలో వేషం ఇప్పిస్తానంటూ ఈమెయిల్స్ పంపుతూ, డబ్బులు తీసుకుంటూ కొందరు మేసానికి పాల్పడుతున్నారు. ఈ విషయం దర్శకుడు దృష్టికి వచ్చింది.  దాంతో అలాంటివి నమ్మవద్దంటూ ప్రకటన చేసారు  ప్రశాంత్ నీల్. కేజీఎఫ్ కి సంబంధించి ఎలాంటి ఆడిష‌న్స్ ఉన్నా కూడా హామ్‌బేల్ ఫిలింస్ నుండి మాత్రమే అఫీషియ‌ల్ ప్రక‌ట‌న వ‌స్తుంద‌ని స్పష్టం చేశారు ప్రశాంత్.

ఇక ఈ చిత్రంలో బాలీవుడ్ హీరో సంజ‌య్ ద‌త్ ..అధీర్ పాత్రలో క‌నిపించ‌నున్నాడు. ఆ మ‌ధ్య విడుదల చేసిన సంజ‌య్ లుక్‌కి మంచి రెస్పాన్స్ వ‌చ్చింది. 2020లో విడుద‌ల కానున్న ఈ చిత్రం శ‌ర‌వేగంగా షూటింగ్ జ‌రుపుకుంటోంది.  హోమ్‌బేల్ ఫిలింస్ బ్యానర్‌పై విజయ్ కిరగందూర్ నిర్మిస్తున్న ఈ చిత్రంలో మొదటి భాగాన్ని మించి యాక్షన్, మాఫియా ఉంటాయట. య‌శ్ ప్రధాన పాత్ర‌లో తెర‌కెక్కుతున్న ఈ చిత్రంలో దుబాయ్ మాఫియాపై యష్ చేసే ఎదురుదాడులు సీక్వెల్‌లో హైలైట్ గా నిలవనున్నాయని అంటున్నారు. వ‌చ్చే ఏడాది స‌మ్మర్‌లో చిత్ర విడుద‌ల‌కి ఏర్పాట్లు చేస్తున్నారు.  

మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి

• KGF
• Prashanth Neel
• Yash