పవన్ సరసన అందాల రాక్షసి.. హరీష్ సినిమాలో క్రేజీ కాంబో!
పవర్ స్టార్ పవన్ కళ్యాణ్ హీరోగా కమర్షియల్ చిత్రాల దర్శకుడు హరీష్ శంకర్ దర్శకత్వంలో ఓ సినిమా తెరకెక్కనుందన్న సంగతి తెలిసిందే. ఈ సినిమాలో పవన్ కు జోడిగా లావణ్య త్రిపాఠి నటిస్తుందన్న వార్తలు వినిపిస్తున్నాయి.
రాజకీయాల్లో ఆశించిన స్థాయిలో ఆకట్టుకోలేకపోయిన పవర్ స్టార్ పవన్ కళ్యాణ్ సినిమాల్లోకి రీ ఎంట్రీ ఇస్తున్న సంగతి తెలిసిందే. ఇప్పటికే బాలీవుడ్ మూవీ పింక్ సినిమాను రీమేక్ చేస్తున్న సంగతి తెలిసిందే. వకీల్ సాబ్ పేరుతో వస్తున్న ఈ సినిమా షూటింగ్ కార్యక్రమాలు ఇప్పటికే పూర్తి చేసుకుంది. బాలీవుడ్ స్టార్ ప్రొడ్యూసర్ బోనీ కపూర్తో కలిసి దిల్ రాజు నిర్మిస్తున్న ఈ సినిమాకు వేణు శ్రీరామ్ దర్శకుడు. ప్రస్తుతం నిర్మాణానంతర కార్యక్రమాలు జరుపుకుంటున్న ఈ సినిమా రిలీజ్ వాయిదా పడింది.
ఈ సినిమా తరువాత పవన్, క్రియేటివ్ డైరెక్టర్ క్రిష్ దర్వకత్వంలో ఓ సినిమా చేస్తున్నాడు. పీరియాడిక్ బ్యాక్డ్రాప్ లో తెరకెక్కుతున్న ఈ సినిమాలో పవన్ బందిపోటు దొంగ పాత్రలో కనిపించనున్నాడన్న ప్రచారం జరుగుతోంది. రాబిన్ హుడ్ తరహాలో ప్రజలకు సాయం చేసే పాత్ర కావటంతో ఈ సినిమా పవన్ పొలిటికల్ కెరీర్ కు ప్లస్ అవుతుందని భావిస్తున్నారు. ఇప్పటికే ఈ సినిమా లాంచనంగా ప్రారంభమైనట్టుగా ప్రచారం జరుగుతోంది. పవన్ చేస్తున్న తొలి కాస్ట్యూమ్ డ్రామా కావటంతో ఈ మూవీపై భారీ అంచనాలు ఉన్నాయి.
క్రిష్ సినిమా తరువాత చేయబోయే సినిమాను కూడా కన్ఫార్మ్ చేశాడు పవన్. మైత్రీ మూవీ మేకర్స్ బ్యానర్లో హరీష్ శంకర్ దర్శకత్వంలో ఓ సినిమా చేసేందుకు ఓకె చెప్పాడు పవన్. ఇప్పటికే ఈ సినిమాకు సంబంధించిన అఫీషియల్ ఎనౌన్స్మెంట్ కూడా వచ్చేసింది. గతంలో పవన్, హరీష్ కాంబినేషన్లో వచ్చిన గబ్బర్ సింగ్ ఘనవిజయం సాధించటంతో ఈ మూవీపై భారీ ఎక్స్పెక్టేషన్స్ ఉన్నాయి. ఈ సినిమాలో పవన్కు జోడిగా లావణ్య త్రిపాఠిని తీసుకునే ఆలోచనలో ఉన్నారు చిత్రయూనిట్. కెరీర్ ఇంతవరకు సరైన బ్రేక్ లేని లావణ్యకు ఇది గోల్డెన్ చాన్సే అంటున్నారు సినీ జనాలు. మరి ఈ సినిమాతో అయినా ఈ భామకు సక్సెస్ దక్కుతుందేమో చూడాలి.