Asianet News TeluguAsianet News Telugu

'ద్వారక' రహస్యాలపై నిఖిల్ కన్ను.. యంగ్ హీరోయిన్ తో రొమాన్స్!

యంగ్ హీరో నిఖిల్ విభిన్నమైన కథలతో సినిమాలు చేస్తూ తనకంటూ ప్రత్యేక గుర్తింపు సొంతం చేసుకున్నాడు. నిఖిల్ చివరగా అర్జున్ సురవరం చిత్రంతో మంచి సక్సెస్ అందుకున్నాడు. చాలా కాలంగా వాయిదా పడుతూ వచ్చిన ఈ చిత్రం గత ఏడాది నవంబర్ 29న ప్రేక్షకుల ముందుకు వచ్చింది.

Nikhil to play interesting role in Karthikeya 2
Author
Hyderabad, First Published Jan 27, 2020, 3:30 PM IST
  • Facebook
  • Twitter
  • Whatsapp

యంగ్ హీరో నిఖిల్ విభిన్నమైన కథలతో సినిమాలు చేస్తూ తనకంటూ ప్రత్యేక గుర్తింపు సొంతం చేసుకున్నాడు. నిఖిల్ చివరగా అర్జున్ సురవరం చిత్రంతో మంచి సక్సెస్ అందుకున్నాడు. చాలా కాలంగా వాయిదా పడుతూ వచ్చిన ఈ చిత్రం గత ఏడాది నవంబర్ 29న ప్రేక్షకుల ముందుకు వచ్చింది. ఈ ఏడాది నిఖిల్ కొత్త ప్రాజెక్ట్స్ పై దృష్టి పెట్టాడు. 

నిఖిల్ తదుపరి చిత్రం చందూ ముండేటి దర్శత్వంలో ఉండబోతోంది. వీరిద్దరి కాంబినేషన్ లో వచ్చిన కార్తికేయ చిత్రం సూపర్ హిట్ గా నిలిచింది. ఈ చిత్రానికి సీక్వెల్ గా కార్తికేయ 2 రాబోతోంది. కార్తికేయ కంటే భారీ స్థాయిలో సీక్వెల్ ఉండేలా దర్శకుడు ప్లాన్ చేస్తున్నాడు. ఈ చిత్రానికి సంబంధించిన ఆసక్తికర విషయాలు బయటకు వచ్చాయి. 

కార్తికేయ చిత్రంలో.. ఓ గుడిని అడ్డం పెట్టుకుని ప్రజలని మోసం చేస్తున్న ఓ గ్యాంగ్ గుట్టురట్టు చేసే యువకుడిగా నిఖిల్ నటించాడు. కార్తికేయ 2 కూడా దేవాలయాలకు సంబందించిన కథే. కానీ దర్శకుడు చందూ ముండేటి ఇంకాస్త భారీ స్థాయిలో కథని సిద్ధం చేస్తున్నట్లు తెలుస్తోంది. 

అల వైకుంఠపురములో జోరు.. 'భరత్ అనే నేను' రికార్డ్ బ్రేక్

ఈ చిత్రంలో కార్తికేయ దేవాలయాల ఆర్కిటెక్ట్ గా నటించబోతున్నాడు. ఇండియాలోని ప్రసిద్ధ పుణ్యక్షేత ప్రాంతాలు, దేవాలయాలపై ఈ చిత్రం ఉండబోతోంది. హిందూ పురాణాల్లో ద్వారక గురించి గొప్పగా చెబుతారు. ఈ చిత్రంలో నిఖిల్ ద్వారకతో పాటు, ఇతర దేవాలయాల్లో స్వయంభువుగా చెప్పబడే విగ్రహాలపై నిఖిల్ పరిశోధనలు చేయబోతున్నట్లు తెలుస్తోంది. 

ఈ చిత్రంలో నిఖిల్ కి జోడిగా లేటెస్ట్ సెన్సేషన్ నభా నటేష్ నటించబోతున్నట్లు తెలుస్తోంది. 

Follow Us:
Download App:
  • android
  • ios