రాజ్ తరుణ్, షాలిని 'ఇద్దరిలోకం ఒకటే' ఫస్ట్ సాంగ్.. స్వీట్ మెలోడీ అదుర్స్!
స్టార్ ప్రొడ్యూసర్ దిల్ రాజు నిర్మాణ సంస్థ శ్రీ వెంకటేశ్వర క్రియేషన్స్ నుంచి వస్తున్న మరో చిత్రం ఇద్దరిలోకం ఒకటే. యంగ్ హీరో రాజ్ తరుణ్, అర్జున్ రెడ్డి బ్యూటీ షాలిని పాండే జంటగా నటిస్తున్న ఈ చిత్రానికి కృష్ణ దర్శకుడు.
కెరీర్ ఆరంభంలో వరుస సక్సెస్ లతో రాజ్ తరుణ్ మంచి గుర్తింపు సొంతం చేసుకున్నాడు. కానీ ఆ తర్వాత ఎదురైన పరాజయాలు రాజ్ తరుణ్ కెరీర్ కు అడ్డంకిగా మారాయి. తన తదుపరి చిత్రంతో ఎలాగైనా సక్సెస్ ట్రాక్ ఎక్కాలని రాజ్ తరుణ్ భావిస్తున్నాడు.
మరోసారి రాజ్ తరుణ్ ఇద్దరిలోకం ఒకటే అంటూ ప్రేమ కథతో రాబోతున్నాడు. తాజాగా ఈ చిత్రంలోని 'యుఆర్ మై హార్ట్ బీట్' అనే ఫస్ట్ సాంగ్ ని రిలీజ్ చేశారు. మిక్కీ జె మేయర్ సంగీతం అందించిన ఈ మెలోడీ గీతం వినసొంపుగా ఉంది.
బాలాజీ ఈ పాటకు సాహిత్యం అందించారు. లిరికల్ వీడియోలో చూపిన విజువల్స్ చాలా కలర్ ఫుల్ గా ఉన్నాయి. రాజ్ తరుణ్, షాలిని పాండే ఇద్దరూ అందంగా కనిపిస్తున్నారు. వీరిద్దరి మధ్య కెమిస్ట్రీ కూడా బాగా కుదిరినట్లే కనిపిస్తోంది.
త్వరలో ఈ చిత్రాన్ని ప్రేక్షకుల ముందుకు తీసుకువచ్చేందుకు సన్నాహకాలు చేస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
