Anil Ravipudi :గమనించారా?!: అనిల్ రావిపూడి రిలీజ్ చేసిన ఫస్ట్ లుక్ లో విచిత్రం
ప్రముఖ దర్శకుడు అనిల్ రావిపూడి ఈ సినిమా ఫస్ట్ లుక్ను విడుదల చేసి చిత్రబృందానికి అభింనదనలు తెలిపారు. దర్శకుడు సందీప్ రాజ్ ఈ సినిమాకు కథ స్క్రీన్ ప్లే, మాటలు అందిస్తున్నారు.
ఇప్పుడు వస్తున్న దర్శకులు ఫస్ట్ లుక్ పోస్టర్ నుంచి అన్ని జాగ్రత్తలు తీసుకుంటూ ముందుకు వెళ్తున్నారు. ఏదో విధంగా తమ చిత్రంపై బజ్ క్రియేట్ చేయకపోతే జనం పట్టించుకోరని వాళ్లకు తెలుసు. తాజాగా టాలీవుడ్ లో రిలీజైన ఓ ఫస్ట్ లుక్ పోస్టర్ ...ఇప్పుడు సోషల్ మీడియాలో హాట్ టాపిక్ గా మారింది. ఆ ఫస్ట్ లుక్ ని కొద్ది సేపు గమనిస్తే అదేంటో అర్దమవుతుంది. వివరాల్లోకి వెళితే..
చైతన్య రావ్, అయేషా ఖాన్ ప్రధాన పాత్రల్లో నటిస్తున్న సినిమా 'ముఖచిత్రం'. ప్రముఖ దర్శకుడు అనిల్ రావిపూడి ఈ సినిమా ఫస్ట్ లుక్ను విడుదల చేసి చిత్రబృందానికి అభింనదనలు తెలిపారు. దర్శకుడు సందీప్ రాజ్ ఈ సినిమాకు కథ స్క్రీన్ ప్లే, మాటలు అందిస్తున్నారు. కాల భైరవ సంగీత దర్శకత్వం వహిస్తున్నారు. నిర్మాత ఎస్కెఎన్ సమర్పణలో పాకెట్ మనీ పిక్చర్స్ పతాకంపై ప్రదీప్ యాదవ్, మోహన్ యల్ల 'ముఖచిత్రం' సినిమాను నిర్మిస్తున్నారు. ఈ సినిమాతో గంగాధర్ దర్శకుడిగా పరిచయమవుతున్నారు. ఈ ఫస్ట్ లుక్ ని మీరూ చూడండి.
ఫన్ అండ్ ఇంటెన్స్ డ్రామాగా తెరకెక్కుతున్న ఈ మూవీ త్వరలోనే ప్రేక్షకుల ముందుకు రాబోతోంది. ఈ ఫస్ట్ లుక్ లో వికాస్ వశిష్ట, చైతన్య రావ్, అయేషా ఖాన్ నిలబడి ఉండగా… ప్రియ వడ్లమాని రెండు పాత్రల్లో కనిపించడం ఆసక్తిని కలిగిస్తోంది. ఒక పాత్రలో ఆధునిక యువతిగా కనిపిస్తుండగా, మరో పాత్రలో పూర్తి సంప్రదాయంగా చీరకట్టులో ఉంది. ఈ రెండు పాత్రల్లోని వేరియేషన్ సినిమా కథలో కీలకంగా ఉంటుందని అనుకోవచ్చు. మొదట చూసినప్పుడు రెగ్యులర్ పోస్టర్ లాగ అనిపించే ఈ ఫస్ట్ లుక్..కాస్త పరిశీలించి చూస్తే ఈ విచిత్రం కనపడుతుంది. ‘కలర్ ఫొటో’ సినిమా తర్వాత దర్శకుడు సందీప్ రాజ్ మరో క్రియేటివ్ స్టోరీని రాసినట్లు తెలుస్తోంది. ఈ కథ బాగా నచ్చినందువల్ల నిర్మాత ఎస్.కె.ఎన్ ఈ సినిమాకు సమర్పకుడిగా వ్యవహరించారని టాక్!
నటీనటులు - వికాస్ వశిష్ట, ప్రియ వడ్లమాని, చైతన్య రావ్, అయేషా ఖాన్ సాంకేతిక నిపుణులు - సంగీతం - కాల భైరవ, ఎడిటింగ్ - పవన్ కళ్యాణ్, సమర్పణ - ఎస్ కేఎన్, నిర్మాతలు - ప్రదీప్ యాదవ్, మోహన్ యల్ల, కథ స్క్రీన్ ప్లే మాటలు - సందీప్ రాజ్, దర్శకత్వం - గంగాధర్
Also Read: Ram Charan : క్రేజీ డైరెక్టర్ తో రామ్ చరణ్.. మెగా హీరో స్పీడ్ మామూలుగా లేదుగా