జూనియర్ క్రిస్ గేల్... సిక్సర్లు బాదుతున్న బుడ్డోడి వీడియో వైరల్...
మొబైల్ గేమ్ మాదిరిగా బ్యాటింగ్ చేస్తున్న బుడతడు...
ఇన్‌స్టాగ్రామ్‌లో వీడియో షేర్ చేసిన ఆకాశ్ చోప్రా...
యువరాజ్ సింగ్ బ్యాటింగ్‌లా ఉందంటున్న భారత అభిమానులు...
బంతిని బలంగా బాది, బౌండరీ దాటించడంతో విండీస్ బ్యాట్స్‌మెన్ క్రిస్‌గేల్ దిట్ట. ఈ ఆరు అడుగుల ఆజానుబాహుడు సిక్సర్లు కొడుతూ ఉంటే, ఎంతటి ఫీల్డర్ అయినా చూస్తూ నిల్చుకోవాల్సిందే. అచ్చు క్రిస్‌గేల్‌లాగే బ్యాటింగ్ చేస్తున్న ఓ బుడతడి వీడియో సోషల్ మీడియాలో తెగ వైరల్ అవుతోంది.
సరిగ్గా మూడేళ్లు కూడా ఉండని ఓ పిల్లాడు... ప్లాస్టిక్ బ్యాటు పట్టుకుని బౌండరీలు బాదుతున్నాడు. మొబైల్‌లో గేమ్ ఆడుతున్నట్టుగా బంతి రాగానే, దాన్ని మెరుపు వేగంతో బాదేస్తున్నాడు.
ఈ వీడియో తెగ నచ్చేయడంతో క్రికెటర్, కామెంటేటర్ ఆకాశ్ చోప్రా తన ఇన్‌స్టా అకౌంట్‌లో షేర్ చేశాడు. ఈ పిల్లాడి బ్యాటింగ్ స్టైల్‌ను చాలామంది గేల్‌తో పోలుస్తుంటే, మరికొందరు భారత స్టార్ బ్యాట్స్‌మెన్ యువరాజ్ సింగ్‌తో పోలుస్తున్నారు.
ఇక్కడ క్లిక్ చేసి వీడియో చూడండి...
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
