దేశవ్యాప్తంగా ఉన్న అన్ని వాహనాలకు యూనిఫార్మ్ పొల్యూషన్ అండర్ కంట్రోల్ (పియుసి) సర్టిఫికెట్‌ను ప్రవేశపెట్టాలని రోడ్డు రవాణా, రహదారుల మంత్రిత్వ శాఖ (ఎం‌ఓఆర్‌టిహెచ్) యోచిస్తోంది.

ఒక నివేదిక ప్రకారం రవాణా మంత్రిత్వ శాఖ త్వరలో దేశవ్యాప్తంగా ముఖ్యమైన వివరాలతో కూడిన క్యూ‌ఆర్ కోడ్‌తో యూనిఫార్మ్ పి‌యూ‌సి సర్టిఫికెట్లను తీసుకురానుంది.

యూనిఫాం పియుసి సర్టిఫికెట్లలోని క్యూఆర్ కోడ్‌లో వాహన యజమాని, వాహనం, ఉద్గార స్థితి  సమాచారం ఉంటాయి. రవాణా మంత్రిత్వ శాఖ ఈ మార్పులను ప్రతిపాదించే ముసాయిదా నోటిఫికేషన్‌ను శుక్రవారం విడుదల చేసింది. 

రవాణా మంత్రిత్వ శాఖ ఇప్పటికే సెంట్రల్ మోటారు వాహన నిబంధనలలో మార్పులను ప్రతిపాదించింది, పియుసి పూర్తయ్యే ముందు వాహన యజమాని రిజిస్టర్డ్ మొబైల్ నంబర్‌కు ఎస్ఎంఎస్ ఉత్పత్తి చేసే సిస్టమ్ కలిగి ఉంటుంది.

also read ఇండియన్ మార్కెట్లోకి ఏప్రిలియా ఎస్‌ఎక్స్‌ఆర్‌ 160 ప్రీమియం స్కూటర్.. మైలేజ్ ఎంతంటే ? ...

పియుసి సర్టిఫికేట్ సేకరణ కోసం పరీక్షా కేంద్రాలకు తీసుకువెళ్ళినప్పుడు గుర్తించి వాహన దొంగతనాలను తగ్గించడంలో ఈ వ్యవస్థ సహాయపడుతుంది.

పియుసి డేటాబేస్ ను నేషనల్ రిజిస్టర్‌తో అనుసంధానించడానికి పియుసి సర్టిఫికెట్ల యూనిఫాం ఫార్మాట్‌ను ప్రతిపాదించినట్లు అధికారులు తెలిపారు. తిరస్కరణకు కారణాలను తెలుపుతూ మొట్టమొదటిసారి రిజెక్షన్ స్లిప్‌ను అందించాలని ప్రభుత్వం యోచిస్తోంది.

ఇంజన్ ఉద్గార విలువలు సి‌ఎం‌వి‌ఆర్ క్రింద నిర్ణయించిన పరిమితులను మించిన చోట తిరస్కరణ స్లిప్‌లో ఉంటుంది. చట్టంలో ప్రతిపాదిత సవరణల ప్రకారం, ఒక వాహనం ఉద్గార ప్రమాణాల నిబంధనలను పాటించాలేదని ఎన్‌ఫోర్స్‌మెంట్ ఆఫీసర్‌కు నమ్మకం ఉంటే, ఏదైనా అధీకృత పియుసి టెస్ట్ నిర్వహించడానికి వాహన యజమాని ఆదేశించవచ్చు.  

 వాహనం డ్రైవర్ లేదా యజమాని వెహికిల్ కాంప్లియెన్స్  సర్టిఫికేట్ సమర్పించడంలో విఫలమైతే, అతను / ఆమె మోటారు వాహన చట్టం నిబంధనల ప్రకారం మూడు నెలల జైలు శిక్ష లేదా రూ.10వేల వరకు జరిమానా లేదా మూడు నెలల పాటు డ్రైవింగ్ లైసెన్స్ రద్దు చేయబడుతుంది.