అవతార్ సినిమా స్ఫూర్తితో ‘బెంజ్’ కార్... జేమ్స్ కేమరూన్ సాయంతో ఆవిష్కరణ...
అవతార్ సినిమాను మరిపింపజేసింది మెర్సిడెజ్ బెంజ్ కారు. ఆ సినిమాలో వాడిన కారు డిజైన్‌లోనే సరికొత్త టెక్నాలజీతో తయారు చేసింది. ఎలక్ట్రానిక్ దిగ్గజం సోనీ కూడా ఆటోమొబైల్ రంగంలోకి అడుగు పెట్టింది. ఈ కారు మనుషుల మనోభావాలను కనిపెడుతూ ఎదురుగా డిజిటల్ తెరపై తెలియజేస్తుంది.
న్యూఢిల్లీ: సరిగ్గా 11 ఏళ్ల క్రితం 2009లో వచ్చిన అవతార్ చిత్రం.. బాక్సాఫీస్ చరిత్రను తిరగరాసింది. ఆ సినిమా స్ఫూర్తితో ప్రముఖ లగ్జరీ కార్ల దిగ్గజం మెర్సిడెజ్ బెంజ్ అద్భుతమైన కారును రూపొందించింది. సరికొత్త టెక్నాలజీతో అవతార్ దర్శకుడు జేమ్స్ కేమరూన్ సాయంతో ఈ ఆవిష్కరణ చేసింది. ఎలక్ట్రానిక్ దిగ్గజం సోనీ కూడా అనూహ్యంగా ఈ ఏడాది కార్ల తయారీ రంగంలో అడుగుపెట్టింది.
also read రికార్డు స్థాయిలో రోల్స్ రాయిస్ కార్ల అమ్మకాలు...
ప్రముఖ లగ్జరీ కార్ల తయారీ సంస్థ మెర్సిడెజ్ బెంజ్.. సరికొత్త కారును ఆవిష్కరించింది. భవిష్యత్ అవసరాలను దృష్టిలో పెట్టుకుని ఆకర్షణీయ హంగులతో కొత్త కారును రూపొందించింది. ఈ కారుకు ఏవీటీఆర్ అనే నామకరణం చేసింది మెర్సిడెజ్. అమెరికా లాస్వెగాస్లో జరుగుతున్న కన్స్యూమర్ ఎలక్ట్రానిక్ షో-2020లో దీన్ని ఆవిష్కరించారు.
ఇదే వేదికగా మెర్సిడెజ్ బెంజ్ ఓ వీడియోను ఆవిష్కరించింది. ప్రేక్షకులను చూపుతిప్పుకోకుండా చేసింది. కేమరూన్ సాయంతో హాలీవుడ్ దర్శక దిగ్గజం జేమ్స్ కేమరూన్ 'అవతార్' చిత్రం థీమ్తో, ఆయన సాయంతో ఈ కారు రూపుదిద్దుకుందని బెంజ్ సంస్థ తెలిపింది.
సినిమాల్లోనే కనిపించే గ్రాఫిక్స్ నిజజీవితంలో సాధ్యమయ్యేలా ఈ కారును రూపొందించింది మెర్సిడెజ్ బెంజ్. ఇందులో ఆర్గానిక్ ఘటాలతో రూపొందించిన రీసైకిల్ బ్యాటరీలను అమర్చుతామని మెర్సిడెజ్ బెంజ్ పేర్కొంది. ఇదిలా ఉంటే ఎలక్ట్రానిక్ దిగ్గజం సోనీ.. కార్ల వ్యాపారంలో అడుగుపెట్టేందుకు సీఈఎస్ను వేదికగా చేసుకుంది. అయితే సంప్రదాయ కార్ల తయారీ కాకుండా సరికొత్త ఎలక్ట్రిక్ కాన్సెప్ట్తో ఈ కారును సొంత టెక్నాలజీతో రూపొందించింది సోనీ.
also read టాటా నానో కారుకి కష్టాలు....బి‌ఎస్ 6 ఎఫెక్ట్ కారణమా...
'విజన్-ఎస్' పేరుతో త్వరలో మార్కెట్లోకి రానున్న ఈ కారు రవాణా వ్యవస్థలో సరికొత్త విప్లవాన్ని తీసుకు వస్తుందని సంస్థ విశ్వాసం వ్యక్తం చేసింది. ఈ కారు... ప్రయాణ సమయంలో పరిసరాలను సెన్సార్ల ద్వారా స్కాన్ చేసి సూచనలు ఇస్తుంది. ట్రాఫిక్తోపాటు ఎదురుగా వస్తున్న వాహనాలపై హెచ్చరికలు జారీ చేస్తుంది.
సోనీ ఎలక్ట్రానిక్స్ సీఈఓ కెనిచిరో యోషిదా మాట్లాడుతూ ‘ఈ కారులో వినోద అంశాలు జోడించాం. మేం అందిస్తున్న 360 రియాలిటీ ఆడియోతో సంగీతం వినటంలో కొత్త అనుభూతి కలుగుతుంది. ఈ కారు మనుషుల ఆలోచనలను ముందే పసిగడుతుంది. పెద్ద తెరల ద్వారా వినోదంతో పాటు డ్రైవింగ్ సమాచారం ఎప్పటికప్పుడు అందిస్తుంది’ అని పేర్కొన్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
