Asianet News TeluguAsianet News Telugu

ఓయో సంచలన నిర్ణయం.. వందల ఉద్యోగుల తొలగింపు.. కారణం ఏంటంటే..?

ఓయో ఒక ప్రకటనలో, ఓయో  3,700 మంది ఉద్యోగులలో 10 శాతం తగ్గించుకుంటుంది, ఇందులో 250 మంది కొత్త రిక్రూట్‌మెంట్ ఇంకా 600 మంది ఉద్యోగుల తొలగింపులు ఉన్నాయి. కంపెనీ సజావుగా పనిచేయడానికి ప్రాడక్ట్ అండ్ ఇంజనీరింగ్ బృందాలను విలీనం చేస్తామని కంపెనీ తెలిపింది.

Oyo to lay off 600 employees, hire 250 new members
Author
First Published Dec 3, 2022, 7:15 PM IST

ఐ‌పి‌ఓ సిద్ధమవుతున్న ట్రావెల్ టెక్నాలజీ సంస్థ ఓయో టెక్నాలజీ అండ్ కార్పొరేట్ రంగంలో 600 ఉద్యోగాలను తొలగించనున్నట్లు తెలిపింది. దీంతో కంపెనీ మొత్తం 3 ,700 మంది ఉద్యోగుల్లో దాదాపు 10 శాతం మందిని తగ్గించుకోనుంది. దీనితో పాటు రిలేషన్ షిప్ మేనేజ్ మెంట్ టీమ్ లో దాదాపు 250 మందిని రిక్రూట్ చేసుకోనుంది. ఓయో సంస్థాగత నిర్మాణంలో సమగ్ర మార్పులను అమలు చేయడంలో భాగంగా ఈ చర్య తీసుకున్నట్లు తెలిపింది. కంపెనీ  ప్రాడక్ట్ అండ్ ఇంజనీరింగ్, కార్పొరేట్ హెడ్ క్వాటర్స్ ఇంకా ఓయో 'వెకేషన్ హోమ్స్' టిం సైజ్ తగ్గించనుంది. అంతేకాకుండా, రిలేషన్‌షిప్ మేనేజ్‌మెంట్ అండ్ బిజినెస్ డెవలప్‌మెంట్ విభాగంలో రిక్రూట్‌మెంట్ చేసుకోనుంది.


ఓయో ఒక ప్రకటనలో, ఓయో  3,700 మంది ఉద్యోగులలో 10 శాతం తగ్గించుకుంటుంది, ఇందులో 250 మంది కొత్త రిక్రూట్‌మెంట్ ఇంకా 600 మంది ఉద్యోగుల తొలగింపులు ఉన్నాయి. కంపెనీ సజావుగా పనిచేయడానికి ప్రాడక్ట్ అండ్ ఇంజనీరింగ్ బృందాలను విలీనం చేస్తామని కంపెనీ తెలిపింది. మెరుగైన కస్టమర్ అండ్ పార్ట్నర్ సర్వీస్ కోసం 250 మందిని రిలేషన్ షిప్ మేనేజ్‌మెంట్ టీమ్‌కి మార్చబడతారు. కంపెనీ ప్లాట్‌ఫారమ్‌లో హోటళ్ల సంఖ్యను పెంచడంలో ఈ చర్య సహాయపడుతుంది అని తెలిపింది.

మాక్రో ఎకనామిక్ ఎన్విరాన్మెంట్ పెరుగుతున్న ఆందోళనల మధ్య చాలా పెద్ద కంపెనీల్లో రిట్రెంచ్‌మెంట్ దశ కొనసాగుతోంది , ప్రపంచంలోని అతిపెద్ద కంపెనీలు కూడా తొలగింపులు ప్రారంభించాయి. ఈ కామర్స్ దిగ్గజం అమెజాన్ కూడా వర్క్‌ఫోర్స్‌లో భారీ తొలగింపులను ప్రకటించింది. అంతేకాకుండా ఫేస్‌బుక్, ఇన్‌స్టాగ్రామ్ అండ్ వాట్సాప్‌ పేరెంట్ కంపెనీ మెటా సంస్థ గ్లోబల్ వర్క్‌ఫోర్స్‌లో 13 శాతం లేదా 11,000 మంది తగ్గించాలని నిర్ణయించింది.

ఓయో వ్యవస్థాపకుడు అండ్ గ్రూప్ సి‌ఈ‌ఓ రితేష్ అగర్వాల్ మాట్లాడుతూ, "ఉద్యోగాలు కోల్పోయిన వారిలో ఎక్కువ మందికి మంచి ఉద్యోగాలు లభించేలా చూస్తాము. ఓయో బృందం నుండి తొలగించిన  ప్రతి ఒక్కరికీ నేను ఉద్యోగాలు పొందేందుకు సహాయం చేస్తాము. కంపెనీకి విలువైన సహకారాన్ని అందించిన  ప్రతిభావంతులైన సహోద్యోగుల  తొలగింపు మాకు దురదృష్టకరం అని అన్నారు.
 

Follow Us:
Download App:
  • android
  • ios