తెలంగాణలో కోకాకోలా కంపెనీ పెట్టుబడుల వెల్లువ.. వెయ్యి కోట్లతో కొత్త బాటిలింగ్ ప్లాంట్..
తెలంగాణ రాష్ట్రంలో పెట్టుబడుల ప్ర‌వాహం కొన‌సాగుతుంది. ప‌లు కొత్త కంపెనీలు పెట్టుబడులు పెట్టేందుకు ముందుకు వ‌స్తుండ‌గా, ఇప్పటికే కార్య‌క‌లాపాలు ప్రారంభించిన ప‌లు కంపెనీలు వాటి ప్లాంట్ల‌ను మ‌రింత విస్తరించేందుకు సిద్ధ‌మ‌వుతున్నాయి.
Followతెలంగాణలో కోకాకోలా కంపెనీ గణనీయమైన పెట్టుబడులు పెట్టేందుకు సిద్ధమైంది. న్యూయార్క్‌లో జరిగిన సమావేశంలో కోకాకోలా ప్రతినిధులు ఐటీ మంత్రి కేటీఆర్‌తో సమావేశమై దేశీయంగా తమ వ్యాపార విస్తరణపై దృష్టి సారించారు. అమీన్‌పూర్‌లో తమ బాట్లింగ్ ప్లాంట్‌ను విస్తరించేందుకు కోకాకోలా ఇప్పటికే 100 కోట్లకు పైగా పెట్టుబడి పెట్టింది.
దీనికి అదనంగా, సిద్దిపేట జిల్లాలో 1000 కోట్ల అంచనా వ్యయంతో కొత్త బాటిలింగ్ ప్లాంట్ నిర్మాణానికి ఏప్రిల్ 22న ప్రభుత్వంతో అవగాహన ఒప్పందం కుదుర్చుకుంది. సిద్దిపేటలో నిర్మాణ కార్యకలాపాలను కూడా కంపెనీ కొనసాగిస్తుంది. ఈ అంశాలను పరిగణనలోకి తీసుకున్న కోకా-కోలా అదనంగా రూ. 647 కోట్లతో సిద్ధిపేట జిల్లా ప్లాంట్ నిర్మాణం కొనసాగుతోంది.
డిసెంబర్ 24 నాటికి ఈ ప్లాంట్ పూర్తవుతుందని భావిస్తున్నారు. అంతేకాకుండా, రాష్ట్రంలో మరో తయారీ కేంద్రాన్ని కరీంనగర్ లేదా వరంగల్‌లో ఏర్పాటు చేసేందుకు కోకాకోలా సిద్ధమైంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
