భారత్కు పొరుగున ఉన్న మరో దేశమైన బంగ్లాదేశ్ ఆర్థిక పరిస్థితి కూడా బాగోలేదని వార్తలు వస్తున్నాయి. బంగ్లాదేశ్ విదేశీ మారకద్రవ్య నిల్వలు క్షీణిస్తున్నాయి. బంగ్లాదేశ్లో విదేశీ మారకద్రవ్య నిల్వలు తగ్గిపోయాయన్న వార్తల నేపథ్యంలో వాషింగ్ మెషీన్లు, స్పోర్ట్స్ యుటిలిటీ వాహనాలు, ఎయిర్ కండీషనర్ల, రిఫ్రిజిరేటర్ల దిగుమతిని ప్రభుత్వం నిషేధించింది.
ఆర్థికసంక్షోభంతో శ్రీలంక పరిస్థితి దాదాపు దివాళ తీయగా, ఇప్పుడు పొరుగు దేశం బంగ్లాదేశ్పై కూడా ఆర్థిక సంక్షోభం మేఘాలు కమ్ముకుంటున్నాయి. బంగ్లాదేశ్ విదేశీ మారకద్రవ్య నిల్వలు క్రమంగా క్షీణిస్తున్నాయి. అంతర్జాతీయ మార్కెట్లో వస్తువులు, ఇంధనం, సరుకు రవాణా, ఆహార పదార్థాల ధరలు పెరగడం వల్ల బంగ్లాదేశ్ దిగుమతి వ్యయం పెరిగింది. జూలై 2021, మార్చి 2022 మధ్య, బంగ్లాదేశ్ దిగుమతి చేసిన వస్తువులపై ఖర్చు భారీగా పెరిగింది.
దిగుమతులపై ఖర్చు పెరిగింది
బంగ్లాదేశ్ మీడియా కథనాల ప్రకారం, దిగుమతులపై ఖర్చు పెరిగింది కానీ దానితో పోలిస్తే ఎగుమతుల ద్వారా వచ్చే ఆదాయం పెరగలేదు. దీని కారణంగా వాణిజ్య లోటు నిరంతరం పెరుగుతోంది. దిగుమతులపై ఎక్కువ డాలర్లు వెచ్చించాల్సి రావడం, ఎగుమతులతో పోలిస్తే విదేశీ మారకద్రవ్యం రాకపోవడం వల్ల విదేశీ మారకద్రవ్య నిల్వలు తగ్గుతున్నాయి.
రిపోర్టుల ప్రకారం విదేశీ మారకద్రవ్య నిల్వలు తగ్గుముఖం పట్టాయి. మిగిలి ఉన్న విదేశీ మారక నిల్వల మొత్తం ద్వారా, దిగుమతి అవసరాలు 5 నెలల వరకు మాత్రమే సరిపోయేంత ఉన్నాయి. ఇక కమోడిటీస్, క్రూడ్ , ఫుడ్ ఐటమ్స్ ధరలు పెరుగుతుండగా, ఐదు నెలల ముందే స్టాక్ అయిపోయే ప్రమాదం కనిపిస్తోంది. 2021-22 జూలై- మార్చి మధ్య, బంగ్లాదేశ్ 22 బిలియన్ డాలర్ల విలువైన పారిశ్రామిక ముడి పదార్థాలను దిగుమతి చేసుకుంది. ఇది గతేడాది కంటే 54 శాతం ఎక్కువ. ముడి చమురు ధరల పెరుగుదల కారణంగా దిగుమతి బిల్లు 87 శాతం పెరిగింది. వినియోగ ఉత్పత్తుల దిగుమతిపై దిగుమతి బిల్లు 41 శాతం పెరిగింది. దిగుమతులపై వ్యయం పెరుగుతోందని ఈ గణాంకాలను బట్టి స్పష్టమవుతోంది.
ఎగుమతులు పెరిగాయి కానీ విదేశీ మారకద్రవ్యం తగ్గింది
2021-22 ఆర్థిక సంవత్సరంలో బంగ్లాదేశ్ ఎగుమతి లక్ష్యం 10 నెలల్లోనే చేరుకుంది. బంగ్లాదేశ్ $43.34 బిలియన్ల విలువైన ఉత్పత్తులను ఎగుమతి చేసింది. గతేడాది కంటే ఇది 35 శాతం ఎక్కువ. జూలై 2021 - ఏప్రిల్ 2022 మధ్య, గార్మెంట్స్ ఎగుమతులు, తోలు దాని ఉత్పత్తుల ఎగుమతులు ఒక బిలియన్ US డాలర్లకు పైగా పెరిగాయి. అయితే ఎగుమతులు పెరిగినా ఆదాయం మాత్రం తగ్గింది.
వాణిజ్య లోటు భర్తీ
పెరుగుతున్న వాణిజ్య లోటు కారణంగా, రిజర్వ్ బ్యాంక్ ఆఫ్ బంగ్లాదేశ్ తన విదేశీ మారక నిల్వల నుండి 5 బిలియన్ డాలర్లకు పైగా ఖర్చు చేయాల్సి వచ్చింది. డాలర్తో పోలిస్తే స్థానిక కరెన్సీ బలహీనపడుతోంది. సెంట్రల్ బ్యాంక్ బంగ్లాదేశ్ కరెన్సీ టాకా, డాలర్ మార్పిడి రేటును 86.7 టాకాగా నిర్ణయించింది, అయితే బ్యాంకులు దిగుమతిదారుల నుండి 95 టాకాలు వసూలు చేస్తున్నాయి. దీని కారణంగా దిగుమతి చేసుకున్న వస్తువుల ధరలు పెరిగాయి, దాని కారణంగా ద్రవ్యోల్బణం పెరిగింది.
డాలర్ సంక్షోభాన్ని ఎదుర్కోవడానికి బంగ్లాదేశ్ ప్రభుత్వం విదేశాల నుంచి లగ్జరీ ఉత్పత్తుల దిగుమతిని నిషేధించింది. ప్రభుత్వ అధికారుల విదేశీ ప్రయాణాలను నిషేధించింది. అలాగే, అనవసర ప్రాజెక్టుల నిర్మాణాన్ని తాత్కాలికంగా నిషేధించింది. ప్రస్తుతం బంగ్లాదేశ్ వద్ద 42 బిలియన్ డాలర్ల విదేశీ మారకద్రవ్య నిల్వలు ఉన్నాయి. కానీ విదేశీ మారకద్రవ్యాన్ని సరిగ్గా లెక్కించాలని IMF బంగ్లాదేశ్పై ఒత్తిడి తెస్తోంది. బంగ్లాదేశ్ IMFకు అంగీకరిస్తే, బంగ్లాదేశ్ విదేశీ మారక నిల్వలు 7 నుండి 8 బిలియన్ డాలర్లు తగ్గవచ్చు, ఇది సంక్షోభాన్ని పెంచుతుంది.
