Maruti-Toyota:క్రెటాకు పోటీగా మారుతి-టయోటా కొత్త ఎస్‌యూ‌వి.. ఆగస్టు నుండి ఉత్పత్తి..
మారుతి సుజుకి కొత్త SUV కూడా వచ్చే నెలలో ప్రపంచవ్యాప్తంగా లాంచ్ కానుంది. ఒక ప్రకటనలో టొయోటా-సుజుకి కొత్త SUV ఉత్పత్తిని ఆగష్టు 2022లో కర్ణాటకలోని బిడాడిలోని టయోటా ఉత్పత్తి కేంద్రంలో ప్రారంభించనున్నట్లు తెలిపింది.
Followమారుతీ సుజుకి (maruti suzuki), టయోటా కిర్లోస్కర్ మోటార్ (toyota kirloskar motor) ఒక కొత్త ఎస్‌యూ‌వి మోడల్‌పై కలిసి పనిచేసేందుకు ప్రణాళికలను అధికారికంగా ప్రకటించాయి. ఈ కార్ తయారీ TKM ప్లాంట్‌లో ఆగస్టు నుంచి ప్రారంభం కానుంది. ఈ రెండు బ్రాండ్‌ల నుండి మిడ్-సైజ్ SUV లాంచ్ గురించి ఊహాగానాలు ఉన్నప్పటికీ టయోటా జూలై 1న అధికారికంగా ప్రదర్శించనుంది.
మారుతి సుజుకి కొత్త SUV కూడా వచ్చే నెలలో ప్రపంచవ్యాప్తంగా లాంచ్ కానుంది. ఒక ప్రకటనలో టొయోటా-సుజుకి కొత్త SUV ఉత్పత్తిని ఆగష్టు 2022లో కర్ణాటకలోని బిడాడిలోని టయోటా ఉత్పత్తి కేంద్రంలో ప్రారంభించనున్నట్లు తెలిపింది. దీనిపై ప్రత్యేకంగా తెలపనప్పటికి ఈ SUV మిడ్-సైజ్ విభాగంలో రానుంది, ఈ కారు ప్రస్తుతం హ్యుందాయ్ క్రెటా, కియా సెల్టోస్, టాటా హారియర్ ఇతర కార్లకు పోటీగా వస్తుంది.
కొత్త SUV మోడల్‌ను సుజుకి అభివృద్ధి చేసిందని అధికారిక ప్రకటనలో తెలిపింది. మారుతీ సుజుకి ఇండియా లిమిటెడ్ అండ్ TKM ఇండియాలో ఈ SUVని సుజుకి అండ్ టయోటా కొత్త మోడల్‌గా విక్రయించనున్నాయి. అంతేకాకుండా సంస్థ కొత్త మోడల్‌ను ఆఫ్రికాతో సహా బయటి మార్కెట్‌లకు కూడా ఎగుమతి చేయాలని యోచిస్తోంది. ఒక నివేదిక ప్రకారం, టయోటా ఈ మిడ్-సైజ్ SUV పేరు అర్బన్ క్రూయిజర్ హైరైడర్ గా సూచించింది.
హైబ్రిడ్ ఇంజన్
ఈ కొత్త SUVని మైల్డ్ హైబ్రిడ్ అండ్ స్ట్రాంగ్ హైబ్రిడ్ ఇంజన్‌లతో అందించనుంది. సుజుకి అభివృద్ధి చేసిన మైల్డ్ హైబ్రిడ్ యూనిట్ మైల్డ్ హైబ్రిడ్ సిస్టమ్‌తో 1.5-లీటర్ K15C DualJet పెట్రోల్ ఇంజన్‌గా ఉంటుంది. ఈ ఇంజన్ ప్రస్తుతం Brezza, XL6, Ertiga ఇంకా Ciazలలో ఉపయోగించారు. ఈ ఇంజన్ 103 బిహెచ్‌పి పవర్, 137 ఎన్ఎమ్ టార్క్ ఉత్పత్తి చేస్తుంది. గేర్ ట్రాన్స్‌మిషన్ ఆప్షన్స్ లో 6-స్పీడ్ మాన్యువల్ అండ్ 6-స్పీడ్ టార్క్ కన్వర్టర్ ఆటోమేటిక్ ఉంటాయి.
టయోటా స్ట్రాంగ్ హైబ్రిడ్ యూనిట్ 1.5-లీటర్ పెట్రోల్ ఇంజన్ అండ్ ఎలక్ట్రిక్ మోటారుతో వస్తుంది. ఈ ఇంజన్ సుమారు 116 PS శక్తిని ఉత్పత్తి చేస్తుంది ఇంకా e-CVT యూనిట్‌తో తీసుకొస్తున్నారు. మైల్డ్ హైబ్రిడ్ సిస్టమ్ FWD ఇంకా AWD సిస్టమ్‌లతో వస్తుంది, అయితే స్ట్రాంగ్ హైబ్రిడ్ యూనిట్ సెల్ఫ్ ఛార్జింగ్ ఇంకా FWD (ఫ్రంట్-వీల్ డ్రైవ్) సిస్టమ్‌తో వస్తుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
