క్లాసిక్ కార్లలో మాజీ క్రికెటర్ మహేంద్ర సింగ్ ధోని.. ఈ కార్లను ఎప్పుడైనా చూసారా..

భారత మాజీ క్రికెటర్ మహేంద్ర సింగ్ ధోనీకి కార్లు, బైక్‌ల పట్ల ఉన్న ప్రేమ అందరికీ తెలిసిందే. అతని ప్రత్యేకమైన కార్స్ అండ్ బైక్స్  కలెక్షన్ షోలు కూడా ఉన్నాయి. అయితే కెప్టెన్ కూల్ పాతకాలపు అలాగే అరుదైన వాడిన కార్లతో  కలెక్షన్ విస్తరిస్తోంది. తాజాగా భారత మాజీ కెప్టెన్ రోవర్ మినీ కూపర్ స్పోర్ట్ అండ్ ల్యాండ్ రోవర్ డిఫెండర్ 110 అనే రెండు పాతకాలపు కార్లతో కనిపించాడు. ఈ రెండు కార్లు పాతవి కావడం వల్ల అరుదైన సైట్‌గా నిలిచాయి.  

 రోవర్ మినీ కూపర్ స్పోర్ట్‌ 2000లో ఎం‌ఎస్ ధోని

మహేంద్ర సింగ్ ధోనీ చాలా ప్రత్యేకమైన రోవర్ మినీ కూపర్ స్పోర్ట్‌ 2000ను నడుపుతున్నట్లు కనిపించాడు, దీనిని మినీ తయారు చేసిన చివరి కార్లలో ఒకటి, యాజమాన్యం రోవర్ చేతిలో ఉంది, తర్వాత  BMWకి బదిలీ చేయబడింది. ధోని కనిపించిన కారు రెడ్ కలర్ వేరియంట్, కారు బాడీపై తెల్లటి రంగు చారలు ఉన్నాయి. కారుకి 12-అంగుళాల లగ్జరీ అల్లాయ్ వీల్స్‌ ఉన్నాయి. కారు ఇంజిన్ 1.3-లీటర్ BMC ఆస్టిన్ 4-సిలిండర్ పెట్రోల్ ఇంజిన్ నుండి శక్తిని పొందుతుంది. ఈ ఇంజన్ 63 PS పవర్, 95 Nm గరిష్ట టార్క్‌ను ఉత్పత్తి చేస్తుంది. 

క్లాసిక్ ల్యాండ్ రోవర్ డిఫెండర్ 110తో MS ధోని
భారత మాజీ క్రికెటర్ క్లాసిక్ ల్యాండ్ రోవర్ డిఫెండర్ 110తో కూడా కనిపించాడు, ఈ కార్ అతని వద్ద ఉన్న అత్యుత్తమ పాతకాలపు కార్లలో ఒకటి. SUV రోవర్ V8 కార్బ్యురేటర్ ఇంజిన్‌ ఉంది, ఇది పరిశ్రమలోని అత్యుత్తమ ఇంజిన్‌లలో ఒకటిగా ప్రసిద్ధి చెందింది. పైన పేర్కొన్న ఈ కార్లు కాకుండా మహేంద్ర సింగ్ ధోని గ్యారేజీలో స్టార్-స్టడెడ్ మోడళ్లతో నిండిన పోంటియాక్ ఫైర్‌బర్డ్, రోల్స్ రాయిస్ సిల్వర్ షాడో వంటి మోడల్స్  ఉన్నాయి, ఇవి భారత రహదారిపై చాలా అరుదుగా కనిపిస్తాయి. ఈ కార్లు కాకుండా ధోనీకి ఒకప్పుడు ఆర్మీలో ఉపయోగించిన నిస్సాన్ జోంగా కూడా ఉంది.

మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి

• Mini Cooper Sport
• ms dhoni
• ms dhoni car collection
• ms dhoni cars
• Land Rover Defender 110