నిమ్మగడ్డ యాప్‌నకు వైసీపీ కౌంటర్: ఈ- నేత్రం యాప్ విడుదల
రాష్ట్ర ఎన్నికల సంఘం తీసుకొచ్చిన యాప్ కు పోటీగా వైఎస్ఆర్‌సీపీ ఈ-నేత్రం పేరుతో యాప్ ను బుధవారం నాడు ఆవిష్కరించింది.
అమరావతి: రాష్ట్ర ఎన్నికల సంఘం తీసుకొచ్చిన యాప్ కు పోటీగా వైఎస్ఆర్‌సీపీ ఈ-నేత్రం పేరుతో యాప్ ను బుధవారం నాడు ఆవిష్కరించింది.
పంచాయితీ ఎన్నికలను పురస్కరించుకొని బుధవారం నాడు ఏపీ రాష్ట్ర ఎన్నికల సంఘం కమిషనర్ నిమ్మగడ్డ రమేష్ కుమార్ ఈ-వాచ్ యాప్ ను బుధవారం నాడు ఆవిష్కరించారు. ఈ యాప్ పై వైఎస్ఆర్‌సీపీ అనేక అనుమానాలను వ్యక్తం చేసింది.
ఈ యాప్ టీడీపీ కనుసన్నల్లో తయారైందని వైసీపీ ఆరోపణలు చేసింది.ఈ ఆరోపణలను ఎన్నికల సంఘం కొట్టిపారేసింది. ఎన్నికల సంఘం ప్రారంభించిన యాప్ కు కౌంటర్ గా ఈ-నేత్రం పేరుతో యాప్ ను వైసీపీ అందుబాటులోకి తీసుకొచ్చింది.
క్షేత్రస్థాయిలో చోటు చేసుకొన్న ఘటనలకు సంబంధించి నేరుగా ఎక్కడినుండైనా పిర్యాదు చేసుకొనేందుకు ఈ యాప్ ద్వారా అవకాశం ఉంది. అంతేకాదు ఫోటోలు, వీడియోలు కూడ ఈ యాప్ ద్వారా అప్ లోడ్ చేసుకోవచ్చు.
ఈ ఫిర్యాదులను ఎస్ఈసీకి నేరుగా ఫిర్యాదు చేయవచ్చు. ఈ యాప్ లో అప్ లోడైన ఫిర్యాదులను ఎన్నికల సంఘానికి వైసీపీ అందించనుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
