తాత ఆపరేషన్ కు అత్త డబ్బులు పంపితే.. ఆన్ లైన్ గేమ్స్ లో పోగొట్టి.. యువకుడు ఆత్మహత్య...
కోనసీమ జిల్లాలో ఆన్ లైన్ గేమ్స్ కు యువకుడు బలయ్యాడు. ఆన్ లైన్ గేమ్ లో రూ.78వేలు పోగొట్టి వాటిని తిరిగి ఎలా సంపాదించాలో తెలియక బలవన్మరణానికి పాల్పడ్డాడు.
కోనసీమ : ఆంధ్రప్రదేశ్ లోని కోనసీమ జిల్లాలో విషాదం చోటు చేసుకుంది. ఆన్ లైన్ గేమ్స్ కు ఓ యువకుడు బలయ్యాడు. ఆన్ లైన్ గేమ్స్ లో డబ్బులు పోగొట్టుకుని ఆత్మహత్య చేసుకున్నాడు. సాధ్విక్ అనే యువకుడు తన తాత అకౌంట్లో ఉన్న రూ.78వేలు ఆన్ లైన్ గేమింగ్ లో ఓడిపోయాడు. దీంతో ఆ డబ్బులు తిరిగి ఎలా సంపాదించాలో తెలియలేదు. ఇంట్లో వాళ్లకు ఏం సమాధానం చెప్పాలో తెలియక బలవన్మరణానికి పాల్పడ్డాడు.
ఆన్ లైన్ గేమ్స్ లో డబ్బులు రెట్టింపవుతాయన్న ఆశతో.. తన దగ్గరున్నదంతా పెట్టేశాడు. ఆ తరువాత తాత అకౌంట్లోని డబ్బులు కూడా ఖాళీ చేశాడు. తాత ఆపరేషన్ కోసం సాధ్విక్ మేనత్త దుబాయ్ నుంచి ఆ డబ్బులు పంపించింది. కానీ ఒళ్లూ పై తెలియకుండా డబ్బులు పెట్టుకుంటూ.. గేమ్స్ ఆడుతూ పోయిన సాధ్విక్ ఆ డబ్బులు పోగొట్టాడు. ఇంట్లో వాళ్లకు మొహం చూపించలేక ఆత్మహత్య చేసుకున్నాడు. దీనిమీద కేసు నమోదు చేసుకుని దర్యాప్తు చేస్తున్నామని పోలీసులు చెబుతున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
