Asianet News TeluguAsianet News Telugu

వివాహేతర సంబంధం.. ప్రియుడి సాయంతో భర్తను చంపి.. గోతాంలో కుక్కి, నక్కల కాలువలో పడేసిన భార్య..

వివాహేతర సంబంధానికి అడ్డుగా ఉన్నాడని ఓ భార్య దారుణానికి ఒడిగట్టింది. కులాంతర వివాహం చేసుకుని, నలుగురు పిల్లలకు తల్లినని మరిచిపోయి అతి క్రూరంగా హతమార్చింది.

woman assassinated husband with the help of lover in nellore
Author
First Published Nov 21, 2022, 11:42 AM IST

నెల్లూరు జిల్లా : కులాంతర వివాహం చేసుకుని నలుగురు బిడ్డల తల్లయినా ఓ మహిళ.. భర్త వివాహేతర సంబంధాన్ని ప్రశ్నించాడని ప్రియుడితో కలిసి హతమార్చింది. ఈ ఘటన నెల్లూరు జిల్లా ముత్తుకూరు మండలంలో చోటుచేసుకుంది. పోలీసులు తెలిపిన వివరాల ప్రకారం.. ఇందుకూరుపేట మండలం డేవిస్ పేటకు చెందిన గందల్ల చిన్నమణి (42), శోభ కులాంతర వివాహం చేసుకున్నారు. నెల్లూరు గ్రామీణ మండలం నారాయణ రెడ్డి పేటకు చెందిన భరత్ కుమార్ రెడ్డి వద్ద పనిచేసేవారు. ఆ సమయంలో శోభ, భరత్ ల మధ్య వివాహేతర సంబంధం ఏర్పడింది. దీన్ని గుర్తించిన చినమణి భరత్ తో ఘర్షణ పడ్డాడు. ఆ తరువాత అక్కడ పని మానేశారు.

రెండు నెలల క్రితం భార్యభర్తలిద్దరూ ముత్తుకూరు మండలం పంటపాళెం సమీపంలోని రొయ్యల చెరువుల వద్ద కాపలా పనుల్లో చేరారు. అయితే, శోభ తరచూ భరత్ తో ఫోన్ లో మాట్లాడుతుండేది. ఇది గమనించిన చినమణి ఆమెతో గొడవపడేవాడు. ఈ నెల 15న రాత్రి అలాగే భార్యతో గొడవపడ్డాడు చినమణి. దీంతో శోభ.. భరత్ కు ఫోన్ చేసి భర్తను ఎలాగైనా చంపేయాలని కోరింది. భరత్ కుమార్ రెడ్డి మరో ముగ్గురితో కలిసి అదే రోజు అర్థరాత్రి 12 గంటల సమయంలో అక్కడికి చేరుకున్నాడు.

విషాదం.. ఇంట్లో కమ్ముకున్న పొగలో ఊపిరాడక.. తండ్రీకొడుకు మృతి..

మద్యం మత్తులో నిద్రపోతున్న చినమణిని.. శోభ, భరత్ కుమార్ రెడ్డి, మస్తాన్, సమీవుల్లా, నవీన్ లు కలిసి గొంతు పిసికి చంపేశారు. ఆ తరువాత మృతదేహాన్ని గోనె సంచిలో కుక్కి, పక్కనున్న నక్కల కాలువలో పడేశారు. శోభ మంగళవారం బంధువులకు ఫోన్ చేసి భర్త కనిపించడం లేదని చెప్పింది. వారి కుమారుడు వెంకటేష్ అక్కడికి చేరుకుని ముత్తుకూరు పోలీసులకు ఫిర్యాదు చేశాడు. విచారణలో అసలు విషయం వెలుగులోకి వచ్చింది. మణి మృతదేహాన్ని ఆదివారం పోలీసులు నక్కల కాలువలో గాలించి వెలికి తీశారు. నిందితులమీద హత్య, ఎస్సీ, ఎస్టీ అట్రాసిటీ కేసు, రౌడీషీటు నమోదు చేయనున్నట్లు నెల్లూరు డీఎస్పీ హరనాథ్ రెడ్డి తెలిపారు. 

Follow Us:
Download App:
  • android
  • ios