గ్రామాలకు వెళ్లండి, ప్రజలను అర్థం చేసుకోండి: విద్యార్థుల‌తో ప్రెసిడెంట్ ద్రౌపది ముర్ము
Tirupati: "గ్రామాలకు వెళ్లి అక్కడ రెండు మూడు రోజులు గడపండి. ప్రజలు ఎలా జీవిస్తున్నారో.. పిల్లలు, పురుషులు, మహిళలతో ఎలా సంభాషిస్తారో అనుభూతి పొందండి. ప్రభుత్వం అందిస్తున్న వివిధ పథకాలు వారికి చేరుతున్నాయో లేదో తెలుసుకోండి" అని రాష్ట్రపతి ద్రౌపది ముర్ము అన్నారు.
President Draupadi Murmu: దేశ ప్ర‌థ‌మ పౌరులు, రాష్ట్రపతి ద్రౌపది ముర్ము ఆంధ్ర‌ప్ర‌దేశ్ లో త‌న రెండు రోజుల ప‌ర్య‌ట‌న‌ను ముగించుకునే ముందు కీలక వ్యాఖ్యలు చేశారు. గ్రామీణ భార‌తంలో ప్రజలు ఎలా జీవిస్తున్నారో అక్క‌డికి వెళ్లి అనుభూతిని పొందాల‌ని సూచించారు. "గ్రామాలకు వెళ్లి అక్కడ రెండు మూడు రోజులు గడపండి. ప్రజలు ఎలా జీవిస్తున్నారో.. పిల్లలు, పురుషులు, మహిళలతో ఎలా సంభాషిస్తారో అనుభూతి పొందండి. ప్రభుత్వం అందిస్తున్న వివిధ పథకాలు వారికి చేరుతున్నాయో లేదో తెలుసుకోండి" అని రాష్ట్రపతి ద్రౌపది ముర్ము అన్నారు. త‌న ప‌ర్య‌ట‌న ముగింపు సంద‌ర్భంగా ఆమె శ్రీ పద్మావతి మహిళా విశ్వవిద్యాలయం విద్యార్థులు, అక్క‌డి అధ్యాపకులతో సంభాషించారు. ఈ క్ర‌మంలోనే పై వ్యాఖ్యలు చేశారు.
విద్యార్థులు గ్రామాలకు వెళ్లినప్పుడు, దేశ ప్రజలకు ఏ పథకాలు కావాలో తెలుసుకుంటారని రాష్ట్రపతి అన్నారు. "... మీరు ఐఎఎస్, ఐఎఫ్ఎస్ అధికారులు, ఇంజనీర్లు.. మ‌రేదైనా కావచ్చు... ఆ స‌మ‌యంలో విధానాలను రూపొందిస్తారు. విశ్వవిద్యాలయంలోని ఎన్ఎస్ఎస్ కొన్ని వెనుకబడిన గ్రామాలను దత్తత తీసుకొని అక్కడ 2-3 రోజులు ఉండనివ్వమని నేను వైస్ ఛాన్సలర్ కు చెప్పాను. ఏయే అవసరాలు ఉన్నాయో, ఏమేమి మెరుగుపరచాలో తెలుసుకోండి' అని ముర్ము అన్నారు. మహిళలు, పిల్లల కోసం ఏయే పథకాలు అందుబాటులో ఉన్నాయో, అవి బాగున్నాయో లేదో అధ్యయనం చేసి కలెక్టర్ కు నివేదిక ఇవ్వాలని రాష్ట్రపతి విద్యార్థులను కోరారు. "బచ్చే మన్ కే సచ్ఛే హోతే హై.. కలెక్టర్ తప్పకుండా మీ మాట వింటారు' అని ఆమె అన్నారు.
దేశం అభివృద్ధి చెందుతూ ప్రపంచంలో పేరు తెచ్చుకుంటుందని ద్రౌపది ముర్ము అన్నారు. 'మహిళల కోసం ప్రధాని ఎన్నో పథకాలు అమలు చేస్తున్నారు. జనాభాలో సగం మంది (51 శాతం) మహిళలు ఉన్నారు. మహిళలకు మంచి జరగడం చాలా సంతోషంగా ఉంది' అని ఆమె వ్యాఖ్యానించారు. విద్యార్థులు బాగా చదువుకుని ముందుకు సాగాలని ఆమె కోరారు. భారతదేశం "అనంతమైన సంస్కృతుల" భూమి అనీ, మన పుస్తకాలలో కూడా దీనికి స్థానం లేదని రాష్ట్రపతి పేర్కొన్నారు. వివిధ దేశాల్లో భారతీయులుగా పనిచేస్తున్న వ్యక్తులు ఉన్నారు. ఇప్పుడు, వారు భారతదేశానికి తిరిగి రావడానికి ప్రయత్నిస్తున్నారు.. ఎందుకంటే మాకు ఇప్పుడు అన్ని సౌకర్యాలు ఉన్నాయి.. సాంకేతిక పరిజ్ఞానం అభివృద్ధి చెందుతోంది. పరిశోధన, ఆవిష్కరణలకు ప్రధాన మంత్రి పెద్దపీట వేస్తున్నారు" అని రాష్ట్రపతి అన్నారు. మ‌రిన్ని పరిశోధనలు చేయాల్సిన అనేక ప్రాంతాలు ఉన్నాయ‌నీ, వారు వినూత్న ఆలోచనలతో ముందుకు రావాలని అన్నారు.
పర్యావరణాన్ని రక్షించాల్సిన అవసరాన్ని ఆమె నొక్కిచెప్పారు. మహిళలు దాని గురించి ఆలోచించాలని కోరారు. హిమాలయాల నుంచి గ్రామాల వరకు అడవుల పరంగా భారత్ ప్రపంచంలోనే అత్యుత్తమమని చెప్పారు. దీన్ని మనం కాపాడుకోవాలని ముర్ము అన్నారు. అభివృద్ధి చాలా అవసరం కానీ పర్యావరణ పరిరక్షణ కూడా చాలా ముఖ్యమని నొక్కి చెప్పారు. ఈ కార్యక్రమంలో కేంద్ర పర్యాటక, సాంస్కృతిక శాఖ మంత్రి కిషన్ రెడ్డి, ఏపీ ఉప ముఖ్యమంత్రి (ఎక్సైజ్) నారాయణ స్వామి తదితరులు పాల్గొన్నారు.
