పెళ్ళైన నాలుగు నెలలకే నవ దంపతుత సూసైడ్
ఏలూరు: పెళ్ళైన నాలుగు మాసాలకే భార్య, భర్తలు
ఆత్మహత్యకు పాల్పడిన ఘటన పశ్చిమగోదావరి జిల్లా
రామన్నగూడెంలో చోటు చేసుకొంది.
పశ్చిమగోదావరి జిల్లాలోని రొయ్యలగూడెం మండలం
చొప్పనరామన్నగూడెంలో ఆదివారం రాత్రి నవదంపతులు
ఆత్మహత్యకు పాల్పడ్డారు.
విజయరాజు, ప్రియాంకలకు నాలుగు నెలల క్రితం
వివాహమైంది. ఈ క్రమంలో కాపురం ఎక్కడ పెట్టాలనే
అంశంలో దంపతులు మధ్య మనస్పర్థలు ఏర్పడ్డాయి.
ఈ నేపథ్యంలోనే ఆదివారం రాత్రి కూడా భార్య భర్తల మధ్య
చర్చ జరిగింది. హైదారాబాద్లో కాపురం పెట్టాలని
ప్రియాంక, చొప్పనరామన్నగూడెంలోనే ఉండాలని
విజయరాజు మధ్య వాగ్వాదం చోటు చేసుకొంది.
ఈ గొడవ కారణంగా అర్దరాత్రి పూట ప్రియాంక ఫ్యాన్ కు
ఉరేసుకొని ఆత్మహత్యకు పాల్పడింది. ప్రియాంక సూసైడ్
చేసుకొన్న విషయాన్ని గుర్తించిన విజయరాజు కూడ
ఆత్మహత్య చేసుకొన్నారు.
చిన్న విషయానికే భార్య,భర్తలు ఆత్మహత్యకు పాల్పడడం
ఆ కుటుంబంలో విషాదాన్ని నింపింది.
