జలీల్‌ఖాన్‌పై ఫిర్యాదు చేస్తా: నాగుల్ మీరా
విజయవాడ పశ్చిమ ఎమ్మెల్యే జలీల్‌ఖాన్ ఇష్టానుసారంగా వ్యవహరిస్తున్నారని రాష్ట్ర పోలీస్ హౌసింగ్ కార్పోరేషన్ ఛైర్మెన్ నాగుల్ మీరా ఆరోపించారు. పార్టీ నిబంధనావళిని పట్టించుకోవడం లేదని ఆయన చెప్పారు.
విజయవాడ: విజయవాడ పశ్చిమ ఎమ్మెల్యే జలీల్‌ఖాన్ ఇష్టానుసారంగా వ్యవహరిస్తున్నారని రాష్ట్ర పోలీస్ హౌసింగ్ కార్పోరేషన్ ఛైర్మెన్ నాగుల్ మీరా ఆరోపించారు. పార్టీ నిబంధనావళిని పట్టించుకోవడం లేదని ఆయన చెప్పారు.
నాగుల్ మీరా ఓ తెలుగు న్యూస్ ఛానెల్‌తో మాట్లాడారు. ముఖ్యమంత్రి చంద్రబాబును తన కుమార్తెతో కలిసి జలీల్‌ఖాన్ భేటీ కావడంలో తప్పు లేదన్నారు. అయితే తన కూతురే వచ్చే ఎన్నికల్లో పశ్చిమ నియోజకవర్గం నుండి పోటీ చేస్తానని ప్రకటించడాన్ని ఆయన తప్పుబట్టారు. ఈ విషయమై చంద్రబాబుకు ఫిర్యాదు చేస్తామన్నారు.
అభ్యర్తుల ప్రకటనకు సీఎం చంద్రబాబునాయుడు కసరత్తు చేస్తున్నారని ఆయన చెప్పారు. అయితే సీఎం ఏ నిర్ణయం తీసుకొన్న తమకు అభ్యంతరం లేదన్నారు. సీఎం నిర్ణయానికి కట్టుబడి ఉంటామన్నారు. కానీ, జలీల్‌ఖాన్ టీడీపీ నిబంధనలకు వ్యతిరేకంగా పనిచేయడాన్ని ఆయన తప్పుబట్టారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
