ప్రకాశం జిల్లాలో రోడ్డు ప్రమాదం: ఐదుగురు మృతి
తిరుపతికి కారులో వెళ్తున్న ఐదుగురు ప్రాణాలు కోల్పోయారు లారీని కారు ఢీకోట్టడంతో ఈ ఘటన చోటు చేసుకొంది. ప్రకాశం జిల్లా మోచర్ల వద్ద ఈ ప్రమాదం జరిగింది.
ఒంగోలు: ప్రకాశం జిల్లా మోచర్ల వద్ద శుక్రవారం నాడు జరిగిన రోడ్డు ప్రమాదంలో ఐదుగురు మృతి చెందారు. మరోకరు తీవ్రంగా గాయపడ్డారు. మృతులంతా కరీంనగర్ జిల్లాకు చెందినవారుగా పోలీసులు గుర్తించారు.
కరీంనగర్ జిల్లాకు చెందినవారు తిరుపతికి కారులో వెళ్తుండగా ఈ ప్రమాదం చోటు చేసుకొంది. ఆగి ఉన్న లారీని కారు వెనుక నుండి ఢీకొట్టింది.ఈ ప్రమాదంలో ఐదుగురు అక్కడికక్కడే మృతి చెందారు. కారులో ఉన్న చిన్నారిని కావలి ఆసుపత్రికి తరలించారు. ఈ చిన్నారి చావుబతుకుల మధ్య కొట్టుమిట్టాడుతోంది.
ఈ కారులో ఇద్దరు పురుషులు, ఇద్దరు మహిళలు ఇద్దరు చిన్నారులు ఉన్నారు. ఒక చిన్నారి మినహా కారులో ఐదుగురు అక్కడికక్కడే మృత్యువాత పడ్డారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండిLast Updated Aug 9, 2019, 5:07 PM IST
