జడ్జిలపై అభ్యంతరకర వ్యాఖ్యలు: ఏపీ హైకోర్టుకు స్టేటస్ రిపోర్ట్ సమర్పించిన సీబీఐ
జడ్జిలపై అభ్యంతరకర వ్యాఖ్యల కేసుకు సంబంధించిన స్టేటస్ రిపోర్టును సు సీబీఐ అధికారులు బుధవారం నాడు ఏపీ హైకోర్టుకు అందించారు. ఈ కేసులో ఐదుగురు నిందితులను అరెస్ట్ చేశామని సీబీఐ అధికారులు ఉన్నత న్యాయస్థానానికి తెలిపారు.
 )
Followఅమరావతి: జడ్జిలపై అభ్యంతరకర వ్యాఖ్యల కేసుకు సంబంధించిన స్టేటస్ రిపోర్టును సీబీఐ అధికారులు బుధవారం నాడు ఏపీ హైకోర్టుకు సమర్పించారు.ఈ కేసులో ఇప్పటికే ఐదుగురు నిందితులను అరెస్ట్ చేశామని సీబీఐ హైకోర్టుకు తెలిపింది.
also read:జడ్జిలపై అభ్యంతర వ్యాఖ్యలు: మరో ఛార్జీషీట్ దాఖలు చేసిన సీబీఐ
విదేశాల్లో ఉంటున్న నిందితుల అరెస్ట్ కు సంబంధించి ఎలాంటి చర్యలు తీసుకొంటున్నారని హైకోర్టు ప్రశ్నించింది. ఇతర ఏజెన్సీల సహాయంతో నిందితుల అరెస్ట్ కు ప్రయత్నిస్తున్నామని సీబీఐ హైకోర్టుకు తెలిపింది. ఈ కేసు విచారణను ఈ నెల 28వ తేదీకి వాయిదా వేసింది కోర్టు.
జడ్జిలకు, న్యాయ వ్యవస్థకు వ్యతిరేకంగా సోషల్ మీడియాలో పోస్టులు పెట్టడంపై ap high courtలో గత ఏడాది పిటిషన్ దాఖలైంది. ఈ పిటిషన్ పై విచారణ నిర్వహించింది హైకోర్టు. ఈ అంశంపై విచారణను సీబీఐకి అప్పగిస్తూ 2020 అక్టోబర్ 8వ తేదీన ఆదేశాలు జారీ చేసింది.
CBI విచారణకు ముందు ఈ కేసును ఏపీ సీఐడీ అధికారులు విచారించారు. ap cid విచారణ సక్రమంగా లేదని భావించిన హైకోర్టు సీబీఐ విచారణకు ఆదేశించింది. ఈ కేసులో సీబీఐ అధికారులు విచారణ కొనసాగిస్తున్నారు. సోషల్ మీడియాలో పోస్టులపై సీబీఐ అధికారులు దర్యాప్తు చేస్తున్నారు. గతంలో సీఐడీ అధికారుల విచారణకు సంబంధించిన సమాచారాన్ని కూడ సీబీఐ అధికారులు సేకరించారు.
ఈ కేసుకు సంబంధించి ఈ ఏడాది సెప్టెంబర్ మాసంలో సీబీఐ నలుగురిపై వేర్వేరుగా ఛార్జీషీట్లను దాఖలు చేసింది. ఆదర్శ్ రెడ్డి, కొండారెడ్డి, సాంబశివారెడ్డి,సుధీర్ లపై అభియోగాలను మోపింది. వీరిని ఈ ఏడాది జూలై, ఆగస్టు 7 తేదీల్లో అరెస్ట్ చేసిన విషయం తెలిసిందే.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
