Asianet News TeluguAsianet News Telugu

మహిళలకు ఆర్ధిక స్వావలంభన: వైఎస్ఆర్ చేయూత పథకం ప్రారంభించిన జగన్

మహిళలు ఆర్ధిక స్వావలంభన సాధించడం కోసం వైఎస్ఆర్ చేయూత కార్యక్రమాన్ని ప్రారంభించినట్టుగా ఏపీ సీఎం వైఎస్ జగన్ చెప్పారు.
 

AP CM YS Jagan launches YSR Cheyutha
Author
Amaravathi, First Published Aug 12, 2020, 11:37 AM IST
  • Facebook
  • Twitter
  • Whatsapp


అమరావతి: మహిళలు ఆర్ధిక స్వావలంభన సాధించడం కోసం వైఎస్ఆర్ చేయూత కార్యక్రమాన్ని ప్రారంభించినట్టుగా ఏపీ సీఎం వైఎస్ జగన్ చెప్పారు.

వైఎస్ఆర్ చేయూత పథకానికి ఏపీ సీఎం వైఎస్ జగన్ బుధవారం నాడు అమరావతిలో ప్రారంభించారు. వీడియో కాన్ఫరెన్స్ ద్వారా సీఎం ఈ కార్యక్రమాన్ని ప్రారంభించారు.

ఈ పథకం కింద 45 ఏళ్ల నుంచి 60 ఏళ్ల మధ్య వయసు ఉన్న బీసీ, ఎస్సీ, ఎస్టీ, మైనారిటీ మహిళలకు ఏటా 18,750 రూపాయలు చొప్పున నాలుగేళ్లలో 75,000 రూపాయల ఆర్థిక సహాయం అందించనున్నారు.

ఈ పథకం ద్వారా రాష్ట్రంలోని  సుమారు 23 లక్షల మంది మహిళలకు లబ్ది చేకూరనుందని ప్రభుత్వం ప్రకటించింది. ఈ పథకం కోసం రాష్ట్ర ప్రభుత్వం రూ. 4700 కోట్లు కేటాయించింది.ఈ సందర్భంగా సీఎం వైఎస్ జగన్ మాట్లాడారు. ప్రభుత్వ సహకారంతో స్వంత కాళ్ల మీద నిలబడాలనుకొనేవారికి ఈ పథకం ద్వారా చేయూత అందనుందన్నారు.

మహిళలకు శిక్షణ, సాంకేతిక, మార్కెటింగ్ వంటి అంశాల్లో పెద్ద పెద్ద సంస్థలు సహాయం అందించనున్నాయని సీఎం చెప్పారు. మహిళలకు ఆర్ధిక స్వావంభనను అందించాలనే ఉద్దేశ్యంతోనే ఈ పథకాన్ని ప్రారంభించినట్టుగా ఆయన చెప్పారు.పాదయాత్ర సందర్భంగా ఈ విషయాన్ని ప్రజలకు హామీ ఇచ్చినట్టుగా ఆయన గుర్తు చేశారు. ఎన్నికల మేనిఫెస్టోలో కూడ ఈ అంశాన్ని చేర్చినట్టు ఆయన చెప్పారు. 

ప్రభుత్వ పెన్షన్ తీసుకొంటున్న మహిళలకు కూడ ఈ పథకంలో అవకాశం కల్పిస్తామన్నారు సీఎం.ఈ డబ్బుతో స్వయం ఉపాధి అవకాశాల కోసం ఉపయోగించుకోవాలని సీఎం సూచించారు. ఈ మేరకు కొన్ని కంపెనీలు శిక్షణ ఇస్తాయని ఆయన చెప్పారు. 

ఈ పథకంలో ఎవరి పేరు లేకపోతే గ్రామ సచివాలయంలోని వాలంటర్ ద్వారా ధరఖాస్తు చేసుకోవాలని సీఎం సూచించారు. అర్హులైన వారికి ఈ పథకం వర్తింపజేయనున్నట్టుగా ఆయన చెప్పారు. 

Follow Us:
Download App:
  • android
  • ios