మోసం చేసినోడి ఫోటోతో భారీ ప్లెక్సీ... జగిత్యాలలో బాధితుల వింత ఆలోచన

జగిత్యాల : అందరినీ నమ్మించి భారీగా చిట్టీలు వేయించి ఆ డబ్బుతో పరారయ్యాడో కేటుగాడు. అయితే తమను ముంచి పారిపోయిన వాడిని పట్టుకునేందుకు బాధితులు కూడా వినూత్నంగా ఆలోచించారు. డబ్బులతో పారిపోయిన వాడి ఫోటోతో భారీ ప్లెక్సీ ఏర్పాటుచేసి వీడిని పట్టించివారికి రూ.3 లక్షలు ఇస్తామని ప్రకటించారు. జగిత్యాలలో వెలిసిన ఈ ప్లెక్సీ సోషల్ మీడియాలో వైరల్ గా మారింది. బాధితులు తమ ఫోన్ నెంబర్లను కూడా ప్లెక్సీపై ముద్రించి మోసం చేసినవాడి ఆఛూకీ తెలిస్తే సమాచారమివ్వాలని కోరుతున్నారు.