యాదాద్రిలో వైకుంఠ ఏకాదశి సందడి... వైకుంఠ ద్వార దర్శనం చేసుకున్న మంత్రులు

యాదగిరిగుట్ట : వైకుంఠ ఏకాదశిని పురస్కరించుకుని తెలుగు రాష్ట్రాల్లోని ఆలయాలు భక్తులతో కిటకిటలాడుతున్నాయి. ఇలా తెలంగాణలోని ప్రముఖ ఆలయం యాదాద్రి ప్రముఖులు, సామాన్య భక్తులతో కిటకిటలాడుతున్నాయి. దేవాదాయ మంత్రి ఆలోల్ల ఇంద్రకరణ్ రెడ్డితో పాటు జగదీష్ రెడ్డి యాదగిరీశున్ని దర్శించుకున్నారు. ఆలయానికి చేరుకున్న మంత్రులకు పూర్ణకుంభంతో స్వాగతం పలికిన అధికారులు, అర్చకులు వైకుంఠ ద్వారం ద్వారా స్వామివారి దర్శనం చేయించారు. దర్శనానంతరం అర్చకులు మంత్రులకు స్వామి వారి పట్టు వస్త్రాలు, తీర్థ ప్రసాదాలు అందించి ఆశీర్వదించారు.