Karimngar Accident:గుడిసెలపైకి దూసుకెళ్లిన కారు, నలుగురు మహిళల మృతి, 9మందికి గాయాలు

కరీంనగర్: ఆదివారం తెల్లవారుజామున కరీంనగర్ పట్టణంలో ఘోర రోడ్డు ప్రమాదం జరిగింది. రోడ్డుపక్కన గుడిసెల్లో నిద్రిస్తున్న నిరుపేద వీధివ్యాపారుల పైకి ఓ కారు అదుపుతప్పి దూసకెళ్లింది. ఈ ప్రమాదంలో ఓ మహిళ ఘటనా స్థలంలోనే ప్రాణాలు కోల్పోగా మరో ముగ్గురు మహిళలు హాస్పిటల్ కు తరలిస్తుండగా మృతిచెందారు. ఇక ఈ ప్రమాదంలో తీవ్రంగా గాయపడి కరీంనగర్ ప్రభుత్వ హాస్పిటల్లో చికిత్స పొందుతున్న వారిలోనూ కొందరి పరిస్థితి విషమంగా వుందని సమాచారం. దీంతో ప్రమాద మృతుల సంఖ్య పెరిగే అవకాశాలున్నారు.