సిద్దిపేటలో వైకుంఠ ఏకాదశి శోభ... శ్రీవారికి స్వర్ణకిరీటం సమర్పించిన మంత్రి హరీష్

సిద్దిపేట : తెలుగు రాష్ట్రాల్లో వైకుంఠ ఏకాదశి వేడుకలు ఘనంగా ప్రారంభమయ్యాయి. తిరుమలలోనే కాదు ఏపీ, తెలంగాణ రాష్ట్రాల్లోని అన్ని వెంకటేశ్వర స్వామి ఆలయాలు వీఐపీలు, భక్తులతో కిటకిటలాడుతున్నాయి. ఇలా సిద్దిపేటలోని శ్రీవారి ఆలయంలో కూడా వైకుంఠద్వారా దర్శనం కల్పించారు. ఈ పర్వదినాన్ని పురస్కరించుకుని స్వామివారిని వైకుంఠద్వారా దర్శనం చేసుకున్న ఆర్థిక మంత్రి హరీష్ రావు బంగారు కిరిటాన్ని సమర్పించారు.  ఉదయమే ఆలయానికి చేరుకున్న మంత్రి హరీష్ కు ఆలయ అర్చకులు స్వాగతం పలికారు. స్వామి దర్శనం, ప్రత్యేక పూజలు చేయించి తీర్థప్రసాదాలు అందించి ఆశీర్వదించారు. మంత్రి అందించిన స్వర్ణ కిరీటాన్ని స్వామివారికి అలంకరించారు.