విశాఖలో వాల్తేరు వీరయ్య మేనియా... ప్రీ రిలీజ్ ఈవెంట్ కోసం భారీ ఏర్పాట్లు

విశాఖపట్నం : మెగాస్టార్ చిరంజీవి నుండి సంక్రాంతి కానుకగా విడుదలకు సిద్దమైన 'వాల్తేరు వీరయ్య' సినిమా ప్రీ రిలీజ్ ఈవెంట్ కు విశాఖలోని ఆంధ్రా యూనివర్సిటీ గ్రౌండ్ ముస్తాబవుతోంది. మొదట విశాఖ బీచ్ లో ఈ కార్యక్రమం నిర్వహించాలని నిర్వహకులు భావించి పోలీసుల సూచనమేరకు వేదిక ఏయూ గ్రౌండ్ కు మారింది. మెగా అభిమానులు భారీగా పాల్గొనే అవకాశం వుండటంతో అటు నిర్వహకులు, ఇటు పోలీసులు కట్టుదిట్టమైన ఏర్పాట్లు చేస్తున్నారు. చిరంజీవితో పాటు రవితేజ, దర్శకుడు బాబీ, హీరోయిన్ శృతి హాసన్, సంగీత దర్శకుడు దేవిశ్రీప్రసాద్ తో పాటు ఇతర టాలీవుడ్ యాక్టర్స్ ఈ ప్రీరిలీజ్ ఈవెంట్ లో పాల్గొననున్నారు.