రాహుల్ గాంధీతో హరీష్ టచ్ లో ఉన్నారు: వంటేరు సంచలన వ్యాఖ్యలు

By pratap reddy  |  First Published Nov 3, 2018, 4:41 PM IST

హరీష్ రావు తమ పార్టీ అధ్యక్షుడు రాహుల్ గాంధీతో టచ్ లో ఉన్నారని, త్వరలో కాంగ్రెసు కండువా కప్పుకుంటారని వంటేరు ప్రతాప రెడ్డి శనివారంనాడు అన్నారు. టీఆర్ఎస్ లో అంతర్గత పోరు తారా స్థాయికి చేరుకుందని ఆయన అన్నారు. 

Follow

సిద్ధిపేట: తెలంగాణ రాష్ట్ర సమితి (టీఆర్ఎస్) నేత, ఆపద్ధర్మ ముఖ్యమంత్రి మేనల్లుడు హరీష్ రావుపై కాంగ్రెసు నేత వంటేరు ప్రతాప రెడ్డి సంచలన వ్యాఖ్యలు చేశారు. తన మామను ఓడించాలని హరీష్ రావు తనకు ఫోన్ చేసి చెప్పారని, ఈ విషయాన్ని తాను ప్రమాణం చేసి చెబుతున్నానని ఆయన అన్నారు. 

హరీష్ రావు తమ పార్టీ అధ్యక్షుడు రాహుల్ గాంధీతో టచ్ లో ఉన్నారని, త్వరలో కాంగ్రెసు కండువా కప్పుకుంటారని వంటేరు ప్రతాప రెడ్డి శనివారంనాడు అన్నారు. టీఆర్ఎస్ లో అంతర్గత పోరు తారా స్థాయికి చేరుకుందని ఆయన అన్నారు. 

Latest Videos

హరీష్ రావు తనకు అన్ నోన్ నెంబర్ నుంచి ఫోన్ చేసి మా మామను ఓడించాలని, మా మామ ఉన్నంత వరకు నాకు రాజకీయ జీవితం ఉండదని హరీష్ రావు చెప్పారని  ఆయన అన్నారు. హరీష్ రావు తనకు కూడా టచ్ లో ఉన్నారని ఆయన అన్నారు. తనకు ఆర్థిక సాయం చేస్తానని హరీష్ రావు చెప్పారని అన్నారు. అయితే తనకు అవినీతి సొమ్ము అక్కర్లేదని చెప్పానని ఆయన అన్నారు. 14 ఏళ్లు కష్టపడ్డానని చేతిలోకి వచ్చిన తర్వాత నా బావమరిదికి  అన్నీ చేతుల్లో పెడుతున్నారని హరీష్ రావు తనతో అన్నారని ఆయన చెప్పారు. తాను ఎక్కడైనా ప్రమాణం చేయడానికి సిద్ధంగా ఉన్నట్లు ప్రతాప రెడ్డి చెప్పారు. 

టీఆర్ఎస్ నుంచి హరీష్ రావును తప్పించే ప్రయత్నం చేస్తున్నారని ఆయన అన్నారు. గెలిచేవాడైతే కేసిఆర్ కుల సంఘాలతో ఎందుకు సమావేశాలు పెడుతారని ఆయన అడిగారు. గజ్వెల్ నుంచి కాంగ్రెసు అభ్యర్థి వంటేరు ప్రతాపరెడ్డి పోటీ చేయనున్న విషయం తెలిసిందే. 

సంబంధిత వార్తలు

మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి

tags

• telugu news
• latest telugu news
• vanteru pratap reddy
• congress
• gajwel

Read More