ఉత్తమ్ వ్యూహం: ఎల్ రమణకు ఫోన్, మద్దతు ఇవ్వాలని రిక్వస్ట్

తెలంగాణ తెలుగుదేశం పార్టీ అధ్యక్షుడు ఎల్ రమణకు పీసీసీ చీఫ్ ఉత్తమ్ కుమార్ రెడ్డి ఫోన్ చేశారు. హుజూర్ నగర్ ఉప ఎన్నికల్లో కాంగ్రెస్ పార్టీకి మద్దతు ఇవ్వాలని కోరారు. కాంగ్రెస్ పార్టీ విజయం సాధించేందుకు సహకరించాలని ఫోన్ లో కోరారు.

హైదరాబాద్: హుజూర్ నగర్ ఉప ఎన్నికల్లో గెలుపే లక్ష్యంగా వ్యూహాలు రచిస్తున్నారు తెలంగాణ పీసీసీ అధ్యక్షుడు, నల్గొండ ఎంపీ ఉత్తమ్ కుమార్ రెడ్డి. హుజూర్ నగర్ ఉప ఎన్నికల్లో తిరిగి పాగా వేయాలని ఉత్తమ్ ప్లాన్ లు వేస్తున్నారు. 

అన్ని పార్టీల కంటే ముందే ఎన్నికల ప్రచారంను ప్రారంభించిన పీసీసీ చీఫ్ ఉత్తమ్ కుమార్ రెడ్డి ఇతర పార్టీల మద్దతు కోరడంలోనూ ముందంజలోనే ఉన్నారు. 2018 అసెంబ్లీ ఎన్నికల్లోనూ, ఇటీవల జరిగిన సార్వత్రిక ఎన్నికల్లో ఎలాగైతే టీడీపీ,వామపక్ష పార్టీలతో పొత్తు పెట్టుకున్న కాంగ్రెస్ పార్టీ ఈసారి కూడా అదే పంథాలో నడవాలను నిర్ణయించుకుంది.

అందులో భాగంగా తెలంగాణ తెలుగుదేశం పార్టీ అధ్యక్షుడు ఎల్ రమణకు పీసీసీ చీఫ్ ఉత్తమ్ కుమార్ రెడ్డి ఫోన్ చేశారు. హుజూర్ నగర్ ఉప ఎన్నికల్లో కాంగ్రెస్ పార్టీకి మద్దతు ఇవ్వాలని కోరారు. కాంగ్రెస్ పార్టీ విజయం సాధించేందుకు సహకరించాలని ఫోన్ లో కోరారు.

తెలుగుదేశం పార్టీ నాయకులు, పార్టీ అధినేత చంద్రబాబు నాయుడుతో కలిసి చర్చించి నిర్ణయం తీసుకుంటానని ఎల్ రమణ అన్నట్లు సమాచారం. రెండు రోజుల్లో పార్టీ తరపున సమాధానం చెప్తామని తెలుగుదేశం పార్టీ అధ్యక్షుడు ఎల్ రమణ అన్నట్లు సమాచారం. 

ఈ వార్తలు కూడా చదవండి