పరువు హత్య: మా నాన్నదే బాధ్యత: అనురాధ సెల్ఫీ వీడియో

 తన ప్రేమను  తల్లిదండ్రులు ఒప్పుకోవడం లేదు.. ప్రియుడితోనే తాను పెళ్లి చేసుకొంటాను.. మాకు ఏమైనా జరిగితే తన తండ్రితో పాటు, గ్రామ సర్పంచ్‌‌దే బాధ్యత అంటూ అనురాధ సెల్పీ వీడియోలో తెలిపారు.  

మంచిర్యాల: తన ప్రేమను  తల్లిదండ్రులు ఒప్పుకోవడం లేదు.. ప్రియుడితోనే తాను పెళ్లి చేసుకొంటాను.. మాకు ఏమైనా జరిగితే తన తండ్రితో పాటు, గ్రామ సర్పంచ్‌‌దే బాధ్యత అంటూ అనురాధ సెల్పీ వీడియోలో తెలిపారు.

ఈ నెల 3వ తేదీన అనురాధ, లక్ష్మణ్ ను హైద్రాబాద్‌ ఆర్యసమాజ్‌లో వివాహం చేసుకొంది. వీరి ప్రేమ విషయం తెలిసిన వెంటనే అనురాధ కుటుంబసభ్యులు లక్ష్మణ్‌పై కేసు పెట్టించారు.

అయితే ఈ ఘటనపై అనురాధ ఈ ఏడాది అక్టోబర్ 24 వ, తేదీన సెల్పీ వీడియోను రికార్డ్ చేసింది. తన ప్రేమ గురించి తాము పెళ్లి చేసుకోబోతున్న విషయాన్ని కూడ అనురాధ సెల్పీ వీడియోలో తేల్చి చెప్పింది.

తాను  లక్ష్మణ్‌ను ప్రేమించినట్టు ఆమె తెలిపింది. లక్ష్మణ్‌ను పెళ్లి చేసుకోకుండా తమ కుటుంబసభ్యులు అడ్డుకొంటున్నారని ఆమె ఆ వీడియోలో  ఆరోపించారు.తమకు ఏమైనా జరిగితే  తన తండ్రితో పాటు గ్రామ సర్పంచ్ కారణమని  బాధితురాలు ఆ వీడియోలో  వివరించారు.

ఈ వీడియోను రెండు మాసాల క్రితం అనురాధ రికార్డు చేశారు. ఇంటి నుండి పారిపోయిన ఆ జంట ఈ నెల 3వ తేదీన హైద్రాబాద్ ఆర్యసమాజ్‌లో వివాహం చేసుకొన్నారు. డిసెంబర్ 22వ తేదీన స్వంత గ్రామానికి వచ్చారు.

గ్రామానికి రాగానే  అనురాధ కుటుంబసభ్యులు లక్ష్మణ్ ఇంటికి వెళ్లి అనురాధను కొట్టుకొంటూ తీసుకెళ్లి చంపేశారు. లక్ష్మణ్  పోలీసులకు ఫిర్యాదు చేశారు. పోలీసులు గ్రామానికి చేరుకోనే సమయానికి ఆమెను చంపేశారు.

సంబంధిత వార్తలు