Genome edited rice: వ్యవసాయ రంగంలో భారత్ అద్భుతం.. ప్రపంచంలో తొలిసారి జీనోమ్ ఎడిటెడ్ రైస్
సారాంశం
భారత ప్రభుత్వం తొలిసారిగా జీనోమ్ ఎడిటెడ్ బియ్యం రకాలకు ఆమోదం తెలిపింది. సుదీర్ఘ పరిశోధన ఫలితంగా ఈ కొత్త రైస్ సృష్టించారు. ఇందులో విదేశీ డీఎన్ఏ (జీఎంఓ) ఉపయోగించలేదు.
ఇది చరిత్రాత్మకమైన రోజు: ఐసీఏఆర్
భారత వ్యవసాయ పరిశోధనా మండలి (ICAR)కి చెందిన ఇండియన్ అగ్రికల్చరల్ రీసెర్చ్ ఇన్స్టిట్యూట్ (IARI), ఇండియన్ ఇన్స్టిట్యూట్ ఆఫ్ రైస్ రీసెర్చ్ (IIRR) అభివృద్ధి చేసిన రెండు రకాల బియ్యం –
పూసా రైస్ DST1, DRR ధన్ 100లకు ఆమోదం లభించింది.
ICAR డైరెక్టర్ జనరల్ మంగి లాల్ జాట్ మాట్లాడుతూ.. ఇది భారత వ్యవసాయ చరిత్రలో చారిత్రాత్మకమైన రోజు అన్నారు. "పాత పద్ధతులతో కొత్త వాతావరణ పరిస్థితుల్లో సాగు జరగదు. కొత్త టెక్నాలజీ అవసరం" అని పేర్కొన్నారు.
పూసా రైస్ DST1:
IARI అభివృద్ధి చేసిన పూసా రైస్ DST1 రకం ఎండలతో పాటు ఉప్పు ఉన్న భూముల్లోనూ మంచి దిగుబడిని ఇస్తుంది. దీని శ్వాసనాల (stomata) పొరలను తగ్గించడం ద్వారా తక్కువ నీటితో బతికే లక్షణాన్ని పొందింది.
ప్రయోగాత్మకంగా ఎండ, ఉప్పు నీరు ఉన్న భూముల్లో పరీక్షలు నిర్వహించగా, పాత రకమైన MTU1010 బియ్యంతో పోలిస్తే మెరుగైన దిగుబడి వచ్చింది.
DRR ధన్ 100:
దీనిని సాంబా మసూరి బియ్యం రకాన్ని ఆధారంగా చేసుకుని రూపొందించారు. ఈ కొత్త రకం ద్వారా దిగుబడి 19% పెరుగింది. 20 రోజుల ముందే పంట చేతికి వస్తుంది. తక్కువ ఎరువులతోనూ, నీరు తక్కువ ఉన్న భూముల్లోనూ మంచి ఫలితాలు ఇస్తుంది.
ఇది రైతులకు ఉపయోగకరమైన టెక్నాలజీ: విదేశీ నిపుణుల అభిప్రాయం
మర్డోక్ యూనివర్సిటీ (ఆస్ట్రేలియా)లో వ్యవసాయ నిపుణుడు రాజీవ్ వర్ష్నే మాట్లాడుతూ, ఈ కొత్త పద్ధతులు ముఖ్యంగా చిన్న రైతులకు ఉపశమనం ఇస్తాయని, క్లైమేట్ చేంజ్ సమస్యల్ని ఎదుర్కొనేలా చేస్తాయని చెప్పారు. ఈ రెండు జీనోమ్ ఎడిటెడ్ రైస్ రకాల అభివృద్ధి వెనుక డిపార్ట్మెంట్ ఆఫ్ బయోటెక్నాలజీ (DBT), నేషనల్ అకాడమీ ఆఫ్ అగ్రికల్చరల్ సైన్సెస్ (NAAS) సహకారం ఉంది.
2022లో భారత ప్రభుత్వం విడుదల చేసిన కొత్త మార్గదర్శకాలు వల్ల ఈ రకాలకు GMO నియమాలు వర్తించలేదు – ఇది వేగంగా ఆమోదం పొందేందుకు సహాయపడింది. ఇప్పుడు ఈ రకాల బియ్యం విస్తృత స్థాయిలో ట్రయల్కి వెళ్లి, తర్వాత రైతులకు అందుబాటులోకి రానున్నాయి. ఎందుకంటే ఇవి దేశీయంగా తయారైన టెక్నాలజీ, కాబట్టి ప్రభుత్వం, ప్రైవేట్ రంగం ద్వారా త్వరగా మార్కెట్లోకి తీసుకొస్తారు.