ఆ షాపు యజమానిని బూతులు తిడుతూ.. గాలిలోకి తుపాకీతో కాల్పులు జరిపింది. దీనికి సంబంధించిన వీడియో ప్రస్తుతం నెట్టింట తెగ వైరల్ అవుతోంది.
ఓ మహిళ పీకలదాకా మద్యం సేవించి.. చేతిలో తుపాకీ పట్టుకొని నానా హంగామా చేసింది. ఓ దుకాణం ముందు నిలపడి.. ఆ షాపు యజమానిని బూతులు తిడుతూ.. గాలిలోకి తుపాకీతో కాల్పులు జరిపింది. దీనికి సంబంధించిన వీడియో ప్రస్తుతం నెట్టింట తెగ వైరల్ అవుతోంది. ఈ సంఘటన దేశ రాజధాని ఢిల్లీలో చోటుచేసుకోగా.. సదరు మహిళను పోలీసులు అరెస్టు చేశారు. కాగా.. ఈ ఘటనకు సంబంధించిన పూర్తి వివరాలు ఇలా ఉన్నాయి.
మద్యం తాగి హంగామా చేసిన మహిళ ను జఫ్రబాద్ కి చెందిన నుస్రత్ గా గుర్తించారు. ఇక ఈ సంఘటన ఈశాన్య ఢిల్లీలోని చౌహాన్‌ బంగ్రా ప్రాంతంలో ఈ నెల 18న చోటు చేసుకుంది. నుస్రత్‌కి, ఓ షాపు యజమానికి మధ్య మొబైల్‌ ఫోన్‌కు సంబంధించి వివాదం తలెత్తింది. అప్పటికే మద్యం సేవించి ఉన్న నుస్రత్ షాపు యజమానిని అసభ్యకరంగా తిడుతూ.. గన్‌తో బెదిరించడమే కాక అతని షాపు బయట కాల్పులు కూడా జరిపింది. (చదవండి: రాత్రి చితక్కొట్టి: పొద్దున అల్లుడ్ని చేసుకున్నారు)
అంతేకాక తాను గ్యాంగ్‌స్టర్‌ నసీర్‌ సోదరినని తెలిపింది. మహిళ చర్యలతో అక్కడ ఉన్న ప్రజలు భయభ్రాంతులకు గురయ్యారు. ఇక ఇందుకు సంబంధించిన వీడియో వైరలవ్వడంతో పోలీసులు ఆమె మీద కేసు నమోదు చేసి అరెస్ట్‌ చేశారు.